ايماقتار • 19 اقپان، 2019

استانا اكىمدىگىندە تۇرعىن ءۇي كەزەگىندە تۇرعان ازاماتتار سانىنىڭ ءوسۋ سەبەپتەرى ءتۇسىندىرىلدى

83 رەتكورسەتىلدى

باستى سەبەپ – قالا حالقىنىڭ قارقىندى ءوسۋى، دەپ حابارلايدى استانا قالاسى اكىمدىگىنىڭ رەسمي سايتى.

قالالىق قۇرىلىس جانە تۇرعىن ءۇي ساياساتى باسقارماسىنىڭ حابارلاۋىنشا،  5 اقپانداعى جاعدايعا سايكەس استانادا كوممۋنالدىق تۇرعىن ءۇي قورىندا تۇرعىن ۇيگە مۇقتاجدار ەسەبىندە 45 329 ادام تۇر.

«كەزەكتە تۇرعىندار سانىنىڭ ارتۋىنىڭ باستى سەبەپتەرىنىڭ ءبىرى – قالا حالقى سانىنىڭ قارقىندى ءوسۋى. بۇل ءۇردىس تابيعي ءوسىم، سونداي-اق كوشى-قون ەسەبىنەن ورىن الىپ وتىر»، – دەپ اتاپ ءوتتى ۆەدومستۆودا.

ستاتيستيكالىق مالىمەتتەرگە سايكەس، ەگەر 2008 جىلعا دەيىن كەزەكتە تۇرعانداردىڭ سانى ورتا ەسەپپەن 700-800 ازامات بولسا، 2008 جىلدان باستاپ اتالمىش كورسەتكىش كۇرت ءوسىپ، 3-4 مىڭ ازاماتتى قۇراعان.  كوممۋنالدىق تۇرعىن قورىنان باسپانا الۋ كەزەگىندە تۇرعان ازاماتتار سانىنىڭ ءوسۋ ديناميكاسى استانا قالاسىنىڭ 20 جىل دامۋ تاريحىندا تۇرعىنداردى تۇرعىن ۇيمەن قامتاماسىز ەتۋ جەرگىلىكتى اتقارۋشى ورگان تاراپىنان جۇرگىزىلىپ كەلەدى، نەگىزىنەن بيۋدجەتتىك قاراجات ەسەبىنەن تۇرعىن ءۇيدى ساتىپ الۋعا جانە ونى كەيىننەن كەزەك تارتىبىمەن مۇقتاج ازاماتتاردىڭ جەكەلەگەن ساناتتارىنا نەمەسە مەملەكەتتىك ورگاندار مەن بيۋدجەتتىك ۇيىمداردىڭ قىزمەتكەرلەرىنە قىزمەتتىك تۇرعىن ءۇي تۇرىندە بەرۋ ارقىلى شەشىمىن تاۋىپ كەلەدى.

تۇرعىن ءۇي زاڭناماسىنا سايكەس قالا اكىمدىگى كوممۋنالدىق تۇرعىن ءۇي قورىنان تۇرعىن ۇيگە مۇقتاج ازاماتتار ەسەبىن 5 ءتىزىم بويىنشا جۇرگىزەدى. ولاردىڭ قاتارىنا: 1) ۇلى وتان سوعىسىنىڭ مۇگەدەكتەرى مەن قاتىسۋشىلارى; 2) جەتىم-بالالار، اتا-اناسىنىڭ قامقورلىعىنسىز قالعان بالالار; 3) الەۋمەتتىك جاعدايى تومەن وتباسىلار; 4) مەملەكەتتىك قىزمەتكەرلەر، بيۋدجەتتىك ۇيىم قىزمەتكەرلەرى، اسكەري قىزمەتكەرلەر، عارىشكەرلىككە ۇمىتكەرلەر مەن سايلاناتىن مەملەكەكەتتىك لاۋازىمىنداعىلار; 5) قر زاڭناماسىندا بەلگىلەنگەن تارتىپتە جالعىز باسپاناسى اپاتتى جاعدايدا دەپ تانىلعان ازاماتتار. استانا اكىمدىگى سوڭعى بەس جىل ىشىندە 7 236 وتباسىن تۇرعىن ۇيمەن قامتاماسىز ەتكەن (مەملەكەتتىك باعدارلاما جانە كوممۋنالدىق تۇرعىن ءۇي قورىنان).

قازىرگى ۋاقىتتا قالا اكىمدىگى «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسىن ىسكە اسىرۋدى جالعاستىرىپ جاتىر، وندا قولجەتىمدى تۇرعىن ۇيمەن قامتاماسىز ەتۋ بويىنشا بىرقاتار باعىتتار قاراستىرىلعان. 1 جالعا بەرىلەتىن تۇرعىن ءۇي. 2018 جىلى 154 پاتەر پايدالانۋعا بەرىلدى. 2019 جىلى جالعا بەرىلەتىن 731 پاتەردىڭ قۇرىلىسى جالعاسۋدا. تۇرعىن ءۇيدى ءبىر شارشى مەترىنە تولەنەتىن تولەم ايىنا 100 تەڭگەدەن اسپايدى. كرەديتتىك تۇرعىن ءۇي. باستى ارتىقشىلىعى – تۇرعىن ءۇيدىڭ 1 شارشى مەترىنىڭ قۇنى 180 مىڭ تەڭگەنى قۇرايدى. 2018 جىلى وسى باعىتتى ىسكە اسىرۋ اياسىندا 481 پاتەر بەرىلگەن. 2019 جىلى 903 پاتەر پايدالانۋعا بەرۋ جوسپارلانىپ وتىر.

اپاتتى جاعدايداعى تۇرعىن ۇيلەردى ءسۇرۋ بويىنشا پيلوتتىق جوبا. 2018 جىلى جوبانىڭ ءبىرىنشى كەزەڭىن ىسكە اسىرۋ اياقتالعان، ناتيجەسىندە 228 اپاتتىق جاعدايداعى تۇرعىن ءۇي ءسۇرىلىپ، شامامەن 3،5 مىڭ وتباسى جاڭا جايلى پاتەرگە كوشىرىلگەن. تۇرعىن ءۇي سەرتيفيكاتى استانا اكىمدىگى ەلىمىزدە ءبىرىنشى بولىپ تۇرعىن ءۇي جيناق جۇيەسى ارقىلى جەرگىلىكتى بيۋدجەت قاراجاتى ەسەبىنەن تۇرعىن ءۇي ساتىپ الۋ ءۇشىن باستاپقى جارنانى سۋبسيديالاۋ ءتاسىلىن ەنگىزدى.

باستى ماقسات – ءبىلىم بەرۋ، دەنساۋلىق ساقتاۋ جانە قۇقىق قورعاۋ سالاسىنىڭ بىلىكتى قىزمەتكەرلەر كورپۋسىن قۇرۋ. 2018 جىلى اكىمدىك تاراپىنان اتالعان سالالاردىڭ 100 قىزمەتكەرىنە كومەك كورسەتىلدى، ولارعا باستاپقى جارنا سوماسىنىڭ ءبىر بولىگىن وتەۋ ەسەبىندە الەۋمەتتىك كومەك رەتىندە 1 ملن تەڭگە اۋدارىلدى.

2019 جىلعا اتالمىش الەۋمەتتىك كومەكتى 2 مىڭ قىزمەتكەرگە كورسەتۋ جوسپارلانعان. «7-20-25» باعدارلاماسى. قازىرگى كەزدە ەلىمىزدە اتالمىش باعدارلاما شەڭبەرىندە 106،3 ملرد تەڭگە سوما ەسەبىنە 9 مىڭنان استام ءوتىنىش قابىلداندى. بۇل باعدارلاما بويىنشا استانا الدىنعى قاتاردا، ءوتىنىش بەرگەندەردىڭ سانى 3 مىڭ، ونىڭ 2 مىڭىنىڭ ءوتىنىشى قاناعاتتاندىرىلعان.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار