قىزىلوردالىق ونەرپازداردىڭ شەتەلگە ساپارى مۇنىمەن شەكتەلگەن جوق. اقپان ايىنىڭ العاشقى اپتاسىندا تۇركى مادەنيەتىنىڭ «تيۋركسوي» حالىقارالىق ۇيىمى باسشىلىعىنىڭ جانە قر كومپوزيتورلار وداعىنىڭ ءتورايىمى بالنۇر قىدىربەكتىڭ ارنايى شاقىرتۋىمەن قر كومپوزيتورلار وداعىنىڭ مۇشەسى, مادەنيەت قايراتكەرى, قورقىت اتا اتىنداعى قازالى اۋداندىق بالالار مۋزىكا مەكتەبىنىڭ ديرەكتورى ءالىش ساۋكەن المامبەت ۇلى تۇرىك ەلىندە وتكەن «زاماناۋي مۋزىكالىق شىعارماشىلىقتى دامىتۋداعى تاجىريبە الماسۋ» تاقىرىبىنداعى حالىقارالىق سەمينارىنا قاتىسۋ قۇرمەتىنە يە بولعان ەدى.
ءسوز ىڭعايىندا ايتا كەتسەك, بۇل جيىنعا قازاقستاننان 7 كومپوزيتور قاتىسقان بولاتىن.
باقتيار تايجان,
«ەگەمەن قازاقستان»
قىزىلوردا وبلىسى
