ءبىرىنشى كوتەرىلگەن ماسەلە كوشەنى جارىقتاندىرۋعا قاتىستى بولدى. جىل باسىنان IKomek ورتالىعىنا كوشەدەگى جارىقتىڭ جوقتىعىنا بايلانىستى 121 شاعىم ءتۇستى, ونىڭ 88-نە – قارجى بولىنگەن بويدا ءتيىستى جۇمىس جۇرگىزىلەدى – دەپ جاۋاپ بەرىلگەن.
«تۇتاستاي العاندا, بۇگىنگى تاڭدا كوشە شامدارىنىڭ جاي-كۇيى قاناعاتتانارلىقسىز جاعدايدا. تەك كولىك باسقارماسىنىڭ قىزمەتكەرلەرى ارالاعان نىساندارداعى 12 365 شامنىڭ 1 976-ى جانبايدى. «ەسىل» اۋدانى اكىمىنە ايتىلعان ولقىلىقتاردى تەز ارادا جويۋدى تاپسىرامىن», – دەدى ب. سۇلتانوۆ.
ەكىنشى كەزەكتە قالا اكىمىنىڭ ورىنباسارى ماليكا بەكتۇروۆانىڭ «سمارت استانا» قوسىمشاسىنداعى جاڭا سەرۆيستەر تۋرالى بايانداماسى تىڭدالدى.
«وتكەن اپتادا «سمارت استانا» قوسىمشاسىنا ونلاين رەجيمدە سالىقتار بويىنشا بورىشتاردى تەكسەرۋگە مۇمكىندىك بەرەتىن قارجى مينيسترلىگىنىڭ ورەn api سەرۆيسى ەنگىزىلدى. ونىڭ كومەگىمەن, سونداي-اق, سالىق بويىنشا بەرەشەكتى وسى جىلدىڭ 1-ءشى ساۋىرىنە دەيىن تولەۋگە بولادى. تاعى دا ءبىر سەرۆيس ەلوردالىق مەكتەپتەردەگى جانە كوميۋنيتي-ورتالىقتارداعى سەكتسيالار مەن ۇيىرمەلەرگە جازىلۋعا مۇمكىندىك بەرەدى. سەرۆيستە قالاداعى سەكتسيالار مەن ۇيىرمەلەردىڭ تولىق ءتىزىمى مەن ولاردىڭ جۇمىس ىستەۋ كەستەسى ۇسىنىلعان», – دەدى م. بەكتۇروۆا.
سونىمەن قاتار, وتكەن اپتادا كومەككە اسا مۇقتاج وتباسىلاردىڭ بىرىڭعاي دەرەكتەر بازاسى, تelegram مەسسەندجەرىندە كوپبالالى انالارعا ارنالعان چات-بوت قۇرىلدى. «مۇندا ولار ارنايى ساۋالنامانى تولتىرادى, سونداي-اق مەملەكەتتىك قولداۋ شارالارى تۋرالى, جۇمىسقا ورنالاسۋ ماسەلەلەرى تۋرالى نەمەسە قىسقا مەرزىمدى كۋرستار تۋرالى تولىق اقپاراتتى الا الادى. اتالمىش بازا بىزگە كوپبالالى وتباسىلاردىڭ جاعدايى تۋرالى تولىق اقپاراتتى بىلۋگە مۇمكىندىك بەرەدى. قازىرگى كەزدە ساۋالنامانى شامامەن 1000 ادام تولتىرعان», – دەدى ول. قالا بيۋدجەتىنىڭ ورىندالۋى جانە مەملەكەتتىك ساتىپ الۋ جوسپارى تۋرالى اكىمنىڭ ورىنباسارى اسقار امرين بايانداما جاسادى. ەلورداداعى كريمينوگەندىك جاعداي جانە قۇقىقتىق ءتارتىپتى قامتاماسىز ەتۋ جونىندە قابىلدانعان شارالار تۋرالى قالالىق پوليتسيا دەپارتامەنتىنىڭ باستىعى مارات قوجاەۆ ايتىپ بەردى.
