استانا قالاسىنىڭ ءبىلىم باسقارماسى وبلىستىق, قالالىق جانە اۋداندىق ءبىلىم بولىمدەرىنىڭ مۇعالىمدەرىنە مەن وكىلدەرىنە ارنالعان «كلاستەرلەر ءبىلىم بەرۋ ۇيىمدارىنىڭ يننوۆاتسيالىق دامۋ جەتىستىگى» اتتى سەمينار وتكىزدى.
ەلىمىزدىڭ ايماقتارىنان كەلگەن ۇستازدارعا استاناداعى بالاباقشا, مەكتەپ, كوللەدج جانە بالالار ءۇيىنىڭ تاجىريبەسى بويىنشا ءبىلىم سالاسىنداعى يننوۆاتسيالاردىڭ ەنگىزىلۋى تۋرالى ايتىلدى.
سەميناردىڭ ءبىرىنشى بولىگىندە قوناقتارعا جوبالىق ورتالىقتاردىڭ تاربيە جۇمىسى, مەكتەپكە دەيىنگى ۇيىمدارداعى جاڭالىقتار, اتاپ ايتقاندا نۇرالەم پاۆيلونى بازاسىندا ينكليۋزيۆتى ءبىلىم بەرۋ جۇمىسى كورسەتىلدى.
ەكىنشى بولىگىندە قالاداعى ءبىلىم بەرۋ وردالارىنا بارۋ جوسپارلاندى. مىسالى, №58 مەكتەپ-گيمنازيادا وزىق يننوۆاتسيالىق باعدارلاما ەنگىزىلۋدە. مەكتەپتىڭ ءاربىر قاباتى وزىندىك تاقىرىپقا يە. مۇندا يننوۆاتسيالىق الاڭدار بار. ناقتىراق ايتقاندا, بۇل روبوتوتەحنيكا جانە راكەتا مودەلدەۋ تۇرىندەگى كابينەتتەر.
ال مەكتەپتىڭ ءۇشىنشى قاباتىندا جاسىل تەحنولوگيالار قويىلعان. وقۋشىلار مۇعالىمدەردىڭ كومەگىمەن جاسىل جەلەك وسىرۋگە جاعداي جاساعان.
ولار الىپ جاتقان ءبىلىم بولاشاقتا جىلىجاي اشىپ, وسى قىزىقتى ىسپەن كاسىبي اينالىسۋعا مۇمكىندىك بەرەدى.
بالالار ۇيىندە ءار بالانىڭ تاربيەسىنە جەكە قارايدى. بالالاردىڭ شىعارماشىلىق قابىلەتىن دامىتۋعا جاقسى مۇمكىندىكتەر قاراستىرىلعان. مۇندا Q-Study ءبىلىم ورتالىقتارى, ونىڭ ىشىندە روبوتوتەحنيكا, stem-زەرتحانا, حورەوگرافيا زالى, سپورتزال, شەبەرلەر سىنىبى, تىگىن شەبەرحانالار كۋرستارى اشىلعان.
ەلوردالىق كوللەدجگە جاسالعان ساپار شەڭبەرىندە قوناقتارعا ستۋدەنتتەردىڭ ديزاينەرلىك جۇمىستارى كورسەتىلدى. مودەلدەر ستۋدەنتتەردىڭ قولىنان شىققان ۇلتتىق كيىمدەر, اشەكەي بۇيىمدار, شاش ۇلگىلەرىن كورسەتتى. قوناقتار تاعام دايىنداۋ, ءىت-تەحنولوگيالار سالاسىنداعى رەسۋرستىق ورتالىقتارمەن تانىستى.
يننوۆاتسيالىق ادىستەرمەن وقىتۋ بالالاردىڭ ءبىلىم الۋعا قاجەتتى داعدىلارىن, بولاشاق ماماندىقتى تاڭداۋدا كومەك بەرەدى دەپ سەنىممەن ايتۋعا بولادى. بالاباقشا تاربيەلەنۋشىلەرىنەن باستاپ ستۋدەنتتەرگە دەيىن عىلىممەن, يننوۆاتسيامەن جانە ءتىل وقۋمەن قۋانا-قۋانا اينالىسادى.
