وتكەن جىلدان باستاپ قالادا قۇرىلىسشىلار داڭعىلىنىڭ پريكانالنايا كوشەسىنەن مۇقانوۆ كوشەسىنە دەيىنگى بولىگىندە كۇردەلى جوندەۋلەر باستالعان بولاتىن. قازىرگى تاڭدا بۇل ۋچاسكىدە كارىز جەلىسى جاڭارتىلىپ, ورنى اۋىستىرىلىپ جاتىر جانە نوسەر كاناليزاتسياسى سالىنۋدا. بۇل جۇمىستار بيىلعى جىلى تولىقتاي اياقتالادى دەپ جوسپارلانىپ وتىر.
2017-ءشى جىلدان بەرى قاراعاندىدا رەسپۋبليكا داڭعىلى مەن تاتتىمبەت كوشەسىن قوساتىن پريكانالنايا جاڭا كوشەسى سالىنىپ جاتىر. جولدىڭ گۇلزار ۇلگىسىندە جاسالعان ءبىر بولىگىندە قۇرىلىس جۇمىستارى اياقتالدى. مۇندا جاياۋ جۇرگىنشىلەر جولدارى, تەحنيكالىق جاياۋجولدار, ۆەلوسيپەد جولدارى سالىندى جانە جارىق شامدارىنىڭ باعانالارى ورناتىلدى. جولدىڭ ەكىنشى بولىگى بيىلعى جىلى اياقتالۋى ءتيىس.
سونداي-اق 2019 جىلى قالا باسشىلىعى ۆولوچاۆسك كوشەسىندە دە جاڭا جول سالۋدى جوسپارلاپ وتىر. اتالمىش جول رەسپۋبليكا داڭعىلى مەن تاتتىمبەت كوشەسىن بىرىكتىرەتىن بولادى. ونىڭ ۇزىندىعى 1,7 شاقىرىمدى قۇرايدى. جوبادا ۆەلوسيپەد جولى, نوسەر كارىزى جانە تەحنيكالىق جاياۋجول قاراستىرىلعان.
ال 14-ءشى ىقشام اۋداندا بيىلعى جىلى مايقۇدىق پەن رەسپۋبليكالىق ماڭىزى بار «شىعىس اينالما جولى» تراسساسىن قوساتىن اينالىپ ءوتۋ جولى سالىنادى.
كۇردەلى جوندەۋلەر قازىرگى ارەكەتتەگى جولداردا دا جۇرگىزىلەدى. وسىلايشا, ۇزىندىعى 10 شاقىرىمدى قۇرايتىن ك.ماركس جانە ماگنيتوگورسكايا كوشەلەرىندەگى جولدار تولىقتاي قالىپقا كەلتىرىلەدى. بۇل جۇمىستاردى 2021 جىلعا دەيىن اياقتاۋ كوزدەلىپ وتىر. سونىمەن قاتار ۇزىندىعى 8,8 شاقىرىم جەتىنشى ماگيسترال (ساران شوسسەسىنەن باستاپ تاتتىمبەت كوشەسىنە دەيىن) جولىندا كۇردەلى جوندەۋ وتكىزىلىپ, ونى 2020 جىلعا دەيىن اياقتاۋ جوسپارلانۋدا. سول جىلى تاتتىمبەت كوشەسىندەگى م-14 قيىلىسىن قالىپقا كەلتىرۋ اياقتالادى.
