بقك - الەمدىك تاريحتا ەڭ كوپ ەل قابىلداعان قۇجات جانە بالالاردىڭ قۇقىقتارىن جان-جاقتى انىقتايتىن حالىقارالىق دەڭگەيدەگى جالعىز قۇجات. كونۆەنتسيانىڭ نەگىزگى قاعيدالارى بارلىق بالانىڭ ءومىر سۇرۋگە, دامۋعا, قورعالۋعا جانە كەمسىتۋدەن ازات بولۋعا تەڭ قۇقىلى بولۋىن كوزدەيدى.
«25 جىل بويى بقك يۋنيسەف ۇيىمىنىڭ قازاقستان رەسپۋبليكاسى ۇكىمەتىمەن ىنتىمىقتاستىعىنىڭ ىرگەتاسى بولىپ كەلەدى. بقك بالالارعا مەيىرىمدى قوعام قۇرۋدىڭ جۇمىس قۇرالىنا اينالدى. كونۆەنتسيانى ءىس جۇزىندە ىسكە اسىرۋ قازاقستاندىق بالالاردىڭ وسىمەن بىرنەشە بۋىنىنىڭ ومىرىنە وڭ وزگەرىستەر كەلۋىنە سەپتەستى», - دەپ اتاپ ءوتتى قازاقستانداعى بۇۇ وكىلى يۋري وكساميتنىي.
«اتاپ ايتقاندا, بالالار ءولىم-ءجىتىمى بەس ەسەدەن استام ازايدى, ينكليۋزيۆتى ءبىلىم بەرۋ دامىپ كەلەدى, الەۋمەتتىك قورعاۋ جۇيەسى جەتىلدىرىلىپ جاتىر. جاقىندا قازاقستان ايتۆ جۇقپاسىنىڭ انادان بالاعا تارالۋىنان ادا ەل رەتىندە سەرتيفيكاتتاۋدان وتەدى. بۇگىن تۋىلعان بالالاردا تىرشىلىك ەتۋ, قامقور وتباسىندا دەنى ساۋ, ءبىلىمدى بولىپ ءوسۋ مۇمكىندىگى 25 جىل بۇرىنعى جاعدايمەن سالىستىرعاندا الدەقايدا جوعارى» دەپ قوستى ول.
قازاقستاندا بالالاردىڭ, سونىڭ ىشىندە, پسيحيكالىق جانە فيزيكالىق دامۋ ەرەكشەلىكتەرى بار بالالاردىڭ, ۇرىمتال جاعدايداعى بالالاردىڭ جانە زاڭمەن بايلانىسقا تۇسكەن بالالاردىڭ قۇقىقتارىن قورعاۋ سالاسىنداعى زاڭنامانى جەتىلدىرۋ جالعاسىپ كەلەدى. 2016 جىلى پرەزيدەنت جارلىعىمەن بالا قۇقىقتارى جونىندەگى ۋاكىل ينستيتۋتى قۇرىلدى. بىرقاتار كۇردەلى ماسەلەلەر, مىسالى, بالالار مەن جاسوسپىرىمدەردىڭ پسيحيكالىق دەنساۋلىعىن نىعايتۋ, بالالارعا زورلىق-زومبىلىق كورسەتۋدىڭ الدىن الۋ ۆەدومستۆوارالىق جۇمىستا كورىنىس تاۋىپ, ۇكىمەتتىڭ, پارلامەنتتىڭك, حالىقارالىق ۇيىمداردىڭ جانە ازاماتتىق سەكتور ۇيىمدارىنىڭ كۇشىن بىرىكتىردى.
جەتكەن جەتىستىكتەردى تالقىلاۋعا قوسا, بقك قابىلدانۋ مەرەيتويى – جاڭا مىندەتتەردى انىقتاۋ جانە باسىمدىقتاردى ايقىنداۋ مۇمكىندىگى. ولاردىڭ ىشىندە: بالالاردىڭ قۇقىقتارىن جۇزەگە اسىرۋ بويىنشا سەرىكتەستەردى جانە ماقساتتاردى بىرىكتىرەتىن بالالاردىڭ قۇقىقتارىن قورعاۋ جونىندەگى بىرىڭعاي ۇلتتىق ستراتەگيانى جاساۋ جانە جۇزەگە اسىرۋ, سونىمەن قاتار, بالالاردىڭ قۇقىقتارىنا مونيتورينگ جۇرگىزۋدىڭ كەشەندى جۇيەسىن دامىتۋ.
