ءمينيستردىڭ ايتۋىنشا, جۋرناليست ناقتى ءبىر ماماننىڭ قۇزىرەتىنە جاتاتىن كەز كەلگەن سۇراقتى قويۋعا قۇقىلى. بىراق ءىس-شارا باسقا تاقىرىپ بويىنشا ءوتۋى مۇمكىن. ال مودەراتور سول تاقىرىپ بويىنشا سۇراق قويۋعا تالاپ ەتەدى.
«ەندى مودەراتور الدىن الا تاقىرىپتى جاريالاپ, تەك سوعان قاتىستى سۇراق قويۋعا ءوتىنىش جاساي الادى. وندا تۇرعان ەشتەڭە جوق دەپ ويلايمىن. بىراق ءىس-شارادان كەيىن مامان, يا بولماسا شەنەۋنىك ءوز قۇزىرەتىنە جاتاتىن كەز كەلگەن سۇراققا جاۋاپ بەرۋگە مىندەتتى. ول ءۇشىن ءجۋرناليستىڭ اككرەديتاتسياسىن ەشكىم الىپ قويمايدى. اككرەديتاتسيا تۋرالى ەرەجەلەردە ىڭعايسىز سۇراقتارعا قاتىستى ەشتەڭە جازىلماعان», - دەدى د.اباەۆ جۋرناليستەرگە بەرگەن سۇxباتىندا.
ونىڭ سوزىنە قاراعاندا, ەرەجەدە ىڭعايسىز سۇراقتارعا قاتىستى ەشتەڭە جازىلماسا دا, مودەراتوردىڭ ءتارتىبى ساقتالماعان جاعدايدا ءجۋرناليستى اككرەديتاتسيادان ايىرۋ ماسەلەسى بار.
ء«بىز ونى الىپ تاستايتىن شىعارمىز. سوسىن اككرەديتاتسيادان وتكەن جۋرناليستەردىڭ سانىنا قاتىستى ءبىر ماسەلە بار. ءبىز بارلىق رەداكتسيالاردى قامتۋعا تىرىسامىز. بىراق كەي باسىلىمدار 5-7 ءجۋرناليستى اككرەديتاتسياعا جىبەرەدى. سودان ورىن جەتپەي جاتادى. ول جاعىن دا قاراستىراتىن بولامىز. اككرەديتاتسيا ءۇشىن ءجۋرناليستىڭ كەلىسىمشارتىن كورسەتۋ مىندەتىن دە الىپ تاستايمىز», - دەپ اتاپ كورسەتتى د.اباەۆ.
وسى ورايدا مينيستر جۋرناليستەردى جازباشا ۇسىنىس بەرۋگە ۇندەدى. اتالعان تاقىرىپتى كەڭىنەن تالقىلاۋ ءۇشىن ارنايى جينالىس تا وتكىزۋگە كەلىستى.
