ەسەپتى كەزەڭدە قازاقستاندا شىعارىلعان كولىكتەردىڭ جالپى قۇنى 21 ملرد تەڭگەگە باعالانىپ وتىر. جالپى, جەڭىل اۆتوموبيل ءوندىرۋ 52,3 پايىزعا ءوسىپ, 3 109-عا جەتتى.
قاڭتاردا وتاندىق اۆتوزاۋىتتار 2 389 كولىكتى وتكىزىپ, بۇل كورسەتكىش بىلتىرعا قاراعاندا 79,4 پايىزعا جوعارى بولدى. جەرگىلىكتى وندىرىستەگى اۆتوموبيلدەردى ساتىپ الۋعا تۇرعىندار 15,8 ملرد تەڭگە جۇمسادى.
اتالعان مەرزىمدە قازاقستاندا قۇراستىرىلعان جەڭىل كولىكتەردىڭ اراسىندا سۇرانىسقا يە برەندتەردىڭ بەستىگىنە Lada (1 013 كولىك), Hyundai (790), KIA (320), Chevrolet (71) جانە Skoda (47) ەندى. وتاندىق كاسىپورىندار ۇسىناتىن ماركالاردىڭ تىزىمىندە JAC (17) ي Peugeot (2) بار ەكەنىن اتاپ وتكەن ءجون.
