«E-SHANYRAQ جوباسىن ىسكە اسىرۋ اياسىندا 2018 جىلدىڭ سوڭىندا پيلوتتىق رەجيمدە تۇرعىن ءۇي-كوممۋنالدىق شارۋاشىلىق سالاسىنىڭ بىرىڭعاي اقپاراتتىق جۇيەسى ىسكە قوسىلدى. ناتيجەسىندە جۇيەگە 5217 كوپپاتەرلى تۇرعىن ءۇيدىڭ ەلەكتروندى تەحنيكالىق پاسپورتى ەنگىزىلدى جانە 5767 ءتۇرلى ەسەپتەۋ قۇرالدارى قوسىلدى. پيلوتتىق كوپپاتەرلى 166 تۇرعىن ءۇيدىڭ 58-ءى جالپىۇيلىك ەسەپتەۋ پريبورلارىمەن جابدىقتالدى جانە ەسەپتىك اقپاراتتى جۇيەگە جولدايدى», دەدى جەڭىس قاسىمبەك.
ءمينيستردىڭ ايتۋىنشا, جىلۋدىڭ تولەمى 41%-كە تومەندەگەن. جەلتوقسان ايىندا 58 كوپپاتەرلى تۇرعىن ءۇيدىڭ ورتاشا ەكونوميكالىق تيىمدىلىگى 11 ملن تەڭگەدەن استى. ال, جىلىتۋ ماۋسىمىنىڭ سوڭىندا 44 ملن تەڭگە ۇنەمدەلەدى دەپ كۇتىلۋدە.
ايتا كەتۋ كەرەك, جۇيە بلوكچەين رەجيمىندە نىسان قۇرىلىسى باستالعاننان اياقتالعانعا دەيىنگى بارلىق پروتسەستى باقىلاۋعا مۇمكىندىك بەرەدى. سىناق پيلوتتىق رەجيمدە استانا قالاسىنداعى ناقتى ءبىر نىسانداردا باستالدى.
باقىلاۋ جانە قاداعالاۋ ورگاندارى كۇندەلىكتى قاشىقتىق رەجيمىندە كامەرالدى باقىلاۋ جاساي الادى جانە جازباشا تۇردە ەسكەرتۋ بەرە الادى. ەگەر قاجەت بولعان جاعدايدا بۇل جۇيە توتەنشە جاعدايلار (ورت قىزمەتى), سانيتارلىق ەپيدەميولوگيالىق قىزمەت جانە ەڭبەك ينسپەكتسياسى ورگاندارىن دا قوسا الادى.
