جوبا بويىنشا جوسپارلانعان 46 ارنايى اۆتوماتتاندىرىلعان ولشەۋ قۇرالىنىڭ 12-ءسى ەنگىزىلىپ قويعان. سونداي-اق جول اكتيۆتەرىن باسقارۋ جۇيەسى ىسكە قوسىلعان. ونىڭ اياسىندا 16 جىلجىمالى جول زەرتحاناسى ءوز جۇمىسىن باستادى.
«بۇل جۇيە جولعا جۇمسالاتىن شىعىنداردى جوسپارلاۋعا جانە جوندەۋ جۇمىستارىندا ساپانى مونيتورينگتەۋ كەزىندە اقپاراتتىڭ اشىقتىعىن قامتاماسىز ەتەدى.
2019 جىلى رەسپۋبليكالىق دەڭگەيدەگى 24 مىڭ شاقىرىمدى قۇرايتىن اۆتوجولداردى زەرتتەۋ ماقساتىندا - 31 ارنايى اۆتوماتتاندىرىلعان ولشەۋ قۇرالىن ەنگىزۋ جوسپارلانىپ وتىر» دەدى د.اباەۆ.
ال «ينتەللەكتۋالدى كولىك جۇيەسى» جوباسىن ەنگىزۋدىڭ ناتەجيەسىندە 2018 جىلى 279 جۇمىس ورىندارى قۇرىلدى. 2025-ءشى جىلعا دەيىن قوسىمشا 1,5 مىڭنان اسا جۇمىس ورىندارىن قۇرۋ كوزدەلگەن.
قولداعى دەرەكتەر بويىنشا كولىكتى جانە لوگيستيكانى تسيفرلاندىرۋدىڭ ەكونوميكالىق پايداسى 2018 جىلى 7,6 ميلليارد تەڭگەنى قۇراپ وتىر.
