تەننيس • 19 اقپان، 2019

تەننيسشى دميتري پوپكو تۇركياداعى ITF Futures تۋرنيرىندە توپ جاردى

222 رەت كورسەتىلدى

قازاقستاندىق تەننيسشى دميتري پوپكو تۇركيادا وتكەن ITF Futures تۋرنيرىندە جەڭىمپاز اتاندى دەپ حابارلايدى Olympic.kz. 

جارىستىڭ جۇلدە قورى 15 مىڭ اقش دوللارىن قۇراعان. فينالدا پوپكو امەريكالىق سەباستيان كوردۋلدى ءۇش سەت قورىتىندىسى بويىنشا جەڭدى. ەسەپ: 6:4،3:6،6:3.

سونداي-اق، جۇپتىق سىندا دا دميتري پوپكونىڭ باعى جاندى. ول يتاليالىق ريكاردو بەلوتتيمەن بىرگە ەرنەن كاسانوۆا/توماس پۋچەس جۇبىنان 6:4، 7:6 ەسەبىمەن باسىم ءتۇستى. 

وسىلايشا، قازاقستاندىق تەننيسشى جىل باسىنان بەرى ءۇشىنشى جەڭىسىنە قول جەتكىزىپ وتىر.

ITF Futures — حالىقارالىق تەننيس فەدەراتسياسى (ITF) 1998 جىلدان بەرى وتكىزەتىن ەرلەر اراسىنداعى كاسىبي تەننيسشىلەر ءتۋرنيرى. بۇل تۋرنيردە جيعان ۇپاي ATP Challenger، اتر تۋرلارىنا وتۋگە مۇمكىندىك بەرەدى. 

سوڭعى جاڭالىقتار

قاي سالادا جالاقى ءوستى؟

ەكونوميكا • كەشە

رەسەي ازاماتتارى العىس ايتتى

ايماقتار • 26 اقپان، 2021

ۇقساس جاڭالىقتار