العىس ايتادى
سەيسەنبى, 27 ناۋرىز 2012 7:12
سارىاعاش اۋدانىندا بۇرىنعى كەلەس اۋدانىن قوسقاندا جالپى 295320 حالىق تۇرادى. وسى ەلدەگى 22 ناۋقاس سوزىلمالى گلومەرۋلونەفريتپەن, سوزىلمالى ءبۇيرەكتىڭ جۇمىس ىستەۋ قابىلەتى اۋرۋىمەن اۋىرىپ, ونىڭ 9-ى اپتاسىنا 3 رەت, 6-ى اپتاسىنا 2 رەت, 7-ءى اپتاسىنا 1 رەت گەمودياليز, ياعني, جاساندى بۇيرەك اپپاراتىمەن, اۋدان ارالىعىنان 130 شاقىرىم جەردەگى شىمكەنت قالاسىنداعى وبلىستىق كلينيكالىق اۋرۋحاناسىنداعى گەمودياليز ورتالىعىندا ەمدەلىپ كەلدى.
سەيسەنبى, 27 ناۋرىز 2012 7:12
سارىاعاش اۋدانىندا بۇرىنعى كەلەس اۋدانىن قوسقاندا جالپى 295320 حالىق تۇرادى. وسى ەلدەگى 22 ناۋقاس سوزىلمالى گلومەرۋلونەفريتپەن, سوزىلمالى ءبۇيرەكتىڭ جۇمىس ىستەۋ قابىلەتى اۋرۋىمەن اۋىرىپ, ونىڭ 9-ى اپتاسىنا 3 رەت, 6-ى اپتاسىنا 2 رەت, 7-ءى اپتاسىنا 1 رەت گەمودياليز, ياعني, جاساندى بۇيرەك اپپاراتىمەن, اۋدان ارالىعىنان 130 شاقىرىم جەردەگى شىمكەنت قالاسىنداعى وبلىستىق كلينيكالىق اۋرۋحاناسىنداعى گەمودياليز ورتالىعىندا ەمدەلىپ كەلدى.
گەمودياليز اپپاراتى اباي اۋىلىندا, سارىاعاش قالاسىندا, قازىعۇرت اۋدانىندا بولماعان. وسى اۋرۋلاردىڭ بارلىعى شىمكەنتتە عانا ەم-دوم الۋعا ءتيىس ەدى. سوندىقتان, وڭتۇستىك قازاقستان وبلىستىق دەنساۋلىق ساقتاۋ باسقارماسىنىڭ باستىعى جۇماعالي يسمايلوۆقا ءوتىنىش ايتقان ەدىك. وبلىستىق دەنساۋلىق ساقتاۋ باسقارماسىنىڭ وسى ماسەلەگە تۇسىنىستىكپەن قاراۋىنىڭ ارقاسىندا اباي اۋىلى جانە قازىعۇرت اۋىلى ورتاسىندا ورنالاسقان سارىاعاش اۋداندىق ورتالىق اۋرۋحاناسىنان گەمودياليز ورتالىعى اشىلدى. وعان گەرمانيادا شىعارىلعان, «فرەزەنيۋس مەديكال كەير-4008 S» اپپاراتى ىسكە قوسىلىپ, 22 ناۋقاس ەمدەرىن الىپ, ۇلكەن العىس ءبىلدىرىپ جاتىر.
وسىندا ەمدەلىپ جاتقان مامىربەكوۆ قانىبەك بارلىق ناۋقاستاردىڭ اتىنان زاماناۋي مەديتسينالىق قۇرال-جابدىقتاردى الۋعا ۇكىمەتكە تاپسىرما بەرگەن مەملەكەت باسشىسىنا جانە وبلىس باسشىلىعىنا راحمەت ايتادى.
– مەن 1998 جىلدان بەرى وسى اۋرۋعا شالدىقتىم. ءوز باسىم شىمكەنت قالاسىنا اپتاسىنا 3 رەت ەم الۋ ءۇشىن جەكسەنبى كۇنى سارىاعاش قالاسىنان كەتىپ, سەنبى كۇنى ۇيگە كەلەتىنمىن. سوندا جەتىسىنە 1 كۇن عانا ۇيدە بولامىن. ۇيدەگى بالا-شاعامدى ساعىنىپ كەلىپ, ماۋقىمدى باسا الماي جەكسەنبى كۇنى ەمدەلۋگە قايتا كەتۋگە ءماجبۇر ەدىم. شىمكەنت قالاسىندا قوناتىن ءۇيىم دە جوق, پاتەر جالداپ جاتىپ ەمدەلدىم. قىستىڭ تايعاق كۇندەرى, جازدىڭ ىستىق كەزدەرى بارىپ-كەلۋگە وتە قاتتى قينالدىق. قازىر سارىاعاش اۋداندىق ورتالىق اۋرۋحاناسىنان گەمودياليز ورتالىعىنىڭ اشىلعانىنا راحمەت ايتامىز,–دەيدى.
بۇل ءبىر ادامنىڭ پىكىرى عانا. وبلىستىق دەنساۋلىق ساقتاۋ باسقارماسى مۇنداي جاقسىلىقتارمەن عانا شەكتەلىپ وتىرعان جوق, اۋداندىق اۋرۋحانانى ينە-جىپتەن جاڭا شىققانداي جوندەۋگە قاراجات ءبولدى. ناۋقاستاردىڭ ويداعىداي ەمدەلۋىنە جاعداي تۋعىزدى. بۇل باسقارمانىڭ تىكەلەي ءمىندەتىنە جاتقانىمەن, بۇرىنعى باسشىلار تاراپىنان قوزعالماعان سەڭ ەدى. ءۇش ءجۇز مىڭعا تارتا حالقى بار سارىاعاش اۋدانى ەندى ەمدەلۋ ءۇشىن شىمكەنتكە سابىلمايتىن بولدى.
بەكبوسىن تاشەنوۆ, سارىاعاش اۋداندىق ورتالىق اۋرۋحاناسىنىڭ باس دارىگەرى.
وڭتۇستىك قازاقستان وبلىسى.
