شەكارالىق قىزمەتتەستىك جاراسىمى
سەيسەنبى, 18 قىركۇيەك 2012 8:15
قازاقستان جانە رەسەي مەملەكەتتەرىنىڭ پرەزيدەنتتەرى نۇرسۇلتان نازارباەۆ پەن ۆلاديمير ءپۋتيننىڭ سىندارلى سىرتقى ساياساتى ارقاسىندا قوس ەلدىڭ اراسىنداعى تاتۋ-ءتاتتى ىنتىماقتاستىق ودان ءارى كەڭەيىپ, جارقىن جالعاسىن تاۋىپ كەلەدى. ءبىز وعان جۋىردا سولتۇستىك قازاقستان وبلىسىندا شەكارالىق ىنتىماقتاستىق شەڭبەرىندە وتكەن كەلەلى كەزدەسۋدە ايقىن كوز جەتىزدىك. ءسوز اراسىندا ەكىجاقتى ىسكەرلىك بايلانىس بيزنەس, يندۋستريا, ءبىلىم بەرۋ, مادەنيەت, سپورت, دەنساۋلىق ساقتاۋ, باسقا دا ماڭىزدى سالالارعا قاتىستى وزەكتى ماسەلەلەردى بىرلەسىپ شەشۋ مۇددەسىن كوزدەگەنىن ايتا كەتكەن ءجون. ولاردىڭ ىشىندە ينۆەستيتسيالاۋ جايى جان-جاقتى تالقىلانىپ, بىرقاتار ماڭىزدى مىندەتتەر بەلگىلەندى.
سەيسەنبى, 18 قىركۇيەك 2012 8:15
قازاقستان جانە رەسەي مەملەكەتتەرىنىڭ پرەزيدەنتتەرى نۇرسۇلتان نازارباەۆ پەن ۆلاديمير ءپۋتيننىڭ سىندارلى سىرتقى ساياساتى ارقاسىندا قوس ەلدىڭ اراسىنداعى تاتۋ-ءتاتتى ىنتىماقتاستىق ودان ءارى كەڭەيىپ, جارقىن جالعاسىن تاۋىپ كەلەدى. ءبىز وعان جۋىردا سولتۇستىك قازاقستان وبلىسىندا شەكارالىق ىنتىماقتاستىق شەڭبەرىندە وتكەن كەلەلى كەزدەسۋدە ايقىن كوز جەتىزدىك. ءسوز اراسىندا ەكىجاقتى ىسكەرلىك بايلانىس بيزنەس, يندۋستريا, ءبىلىم بەرۋ, مادەنيەت, سپورت, دەنساۋلىق ساقتاۋ, باسقا دا ماڭىزدى سالالارعا قاتىستى وزەكتى ماسەلەلەردى بىرلەسىپ شەشۋ مۇددەسىن كوزدەگەنىن ايتا كەتكەن ءجون. ولاردىڭ ىشىندە ينۆەستيتسيالاۋ جايى جان-جاقتى تالقىلانىپ, بىرقاتار ماڭىزدى مىندەتتەر بەلگىلەندى.
بۇگىنگى كۇنى قازاقستاننان ومبى وبلىسىنا قۇيىلعان ينۆەستيتسيا مولشەرى 100 ميلليون اقش دوللارىنان استى. الدا مۇنداي قارجى تارتۋدى 1,5 ەسە ءوسىرۋ بەلگىلەنىپ وتىر. كەزدەسۋ بارىسىندا شەكارالىق وبلىستار اراسىندا ەكونوميكالىق, الەۋمەتتىك قارىم-قاتىناستاردى ودان ءارى جەتىلدىرەتىن مەموراندۋمعا قول قويىلدى.
ءبىزدىڭ دەلەگاتسيا سولتۇستىك قازاقستان وبلىسىنىڭ بىرقاتار اۋداندارى مەن ونەركاسىپ جانە شارۋاشىلىق ۇيىمدارىن ارالاپ, ۇيرەنەرلىك ءىس-تاجىريبەلەر جيناقتاپ قايتتى. ءبىزدى پرەزيدەنت نۇرسۇلتان نازارباەۆتىڭ جولداۋىندا ايتىلعان تالاپتاردىڭ مۇلتىكسىز اتقارىلىپ جاتقانى, اسىرەسە, قازاقستاندىقتاردى جۇمىسقا تارتۋ, قولجەتىمدى باسپانا, يندۋستريالىق-يننوۆاتسيالىق جوبالار, ەتتى مال شارۋاشىلىعىن دامىتۋ ماسەلەلەرى قاتتى قىزىقتىردى.
رەسەي فەدەراتسياسى شەكارالىق وبلىستارىنىڭ قازاقستانمەن الەۋمەتتىك-ەكونوميكالىق بايلانىسى جىل وتكەن سايىن ارتىپ كەلەدى. مىسال رەتىندە ايتاتىن بولساق, بىلتىر رف مەن سقو اراسىنداعى تاۋار اينالىمى 600 ميلليون اقش دوللارىن قۇراعان. «پەتروپاۆل قۇرىلىس ماتەريالدارى زاۋىتى» جشس ومبى وبلىسىنا پوليەتيلەن جانە قىسىمدى سۋ قۇبىرلارىن جەتكىزسە, ءبىزدىڭ «سيبزاۋىت» كاسىپورنى سەبۋ جانە توپىراق وڭدەۋ تەحنيكالارىمەن قامتاماسىز ەتەدى. ايتا بەرسە, مۇنداي مىسالدار كوپ. سوڭعى كەزدەرى بىرلەسكەن كاسىپورىندار قۇرۋعا بەلسەنە بەت بۇرىلعانى دا بايقالادى.
سەنىمدى ءارى بەرىك دوستىققا نەگىزدەلگەن مۇنداي ىسكەرلىك بايلانىستارعا پاۆلودار قالاسىندا بولاتىن ەكى ەل پرەزيدەنتتەرىنىڭ كەزدەسۋى ودان ءارى قۋاتتى سەرپىن بەرەرى انىق.
الەكسەي گلادەنكو,
ومبى وبلىسى ۇكىمەتى ونەركاسىپ ساياساتى,
بايلانىس جانە يننوۆاتسيالىق تەحنولوگيالار ءمينيسترى.
رەسەي.
