ايماقتار • 07 اقپان، 2019

استانا كلينيكالارىندا ءۇش جۇزدەن استام شەتەلدىك ەم الدى

250 رەتكورسەتىلدى

ماركەتينگتىك زەرتتەۋلەرگە سايكەس، شەتەلدىكتەردى كارديوحيرۋرگيا، نەيروحيرۋرگيا، ترانسپلانتولوگيا، رەپرودۋكتيۆتى مەديتسينا، ستوماتولوگيالىق قىزمەت، ورتوپەديا، سونداي-اق ساۋىقتىرۋ راسىمدەرى قىزىقتىرادى. بۇل تۋرالى استانا قالاسى اكىمدىگىنىڭ رەسمي سايتى حابارلادى.

رەسپۋبليكالىق دەنساۋلىق ساقتاۋدى دامىتۋ ورتالىعىنىڭ مالىمەتى بويىنشا، وتاندىق كلينيكالاردىڭ باستى ارتىقشىلىعى قازىرگى زامانعى مەديتسينالىق تەحنولوگيالار مەن جاڭا نىساندار، مەديتسينالىق قىزمەتتەردىڭ ارزاندىعى، ساپا ستاندارتتارى (ۇلتتىق جانە حالىقارالىق اككرەديتتەۋ JCI)، وڭالتۋ ءۇشىن بىرەگەي تابيعي كوزدەرى، ءتيىمدى گەوگرافيالىق ورنالاسۋىندا. سونىمەن قاتار، قازاقستان – قاۋىپسىز تۇراقتى ەل.

وتكەن جىلى توعىز جەتەكشى كلينيكادا 300-دەن استام شەتەلدىك ەم الدى. شەتەلدىكتەرگە كارديوحيرۋرگيالىق، نەيروحيرۋرگيالىق، ترانسپلانتولوگيالىق، رەپرودۋكتيۆتىك، ورتوپەديالىق جانە ساۋىقتىرۋ قىزمەتتەرى كورسەتىلدى»،– دەپ حابارلادى دسدرو-دا.

استانادا التى مەديتسينالىق ورتالىقتىڭ JCI حالىقارالىق اككرەديتتەۋى بار. ولارعا ۇلتتىق انا مەن بالا عىلىمي ورتالىعى، رەسپۋبليكالىق دياگنوستيكالىق ورتالىعى، بالالاردى وڭالتۋ ۇلتتىق ورتالىعى، «ۇلتتىق كارديوحيرۋرگيالىق ورتالىق» اق، «ۇلتتىق نەيروحيرۋرگيا ورتالىعى» اق، قر ءپىب مەديتسينالىق ورتالىق اۋرۋحاناسى جاتادى. بۇل ۇيىمداردا الەمدىك دەڭگەيدەگى دارىگەر-ماماندار جۇمىس ىستەيدى.  وسى ورتالىقتاردىڭ مەديتسينالىق قىزمەتپەن قامتاماسىز ەتۋ مۇمكىندىگى جان-جاقتى.

شەتەلدىك پاتسيەنتتەردىڭ قازاقستاندىق مەديتسينالىق ۇيىمداردىڭ قىزمەتى تۋرالى، ولاردىڭ جابدىقتالۋى، ۇسىنىلاتىن قىزمەتتەرى مەن بىلىكتى ماماندارى تۋرالى اقپارات الۋعا اعىتتالعان www.medicaltourism.kzبىرىڭعاي ونلاين پورتالى ىسكە قوسىلعان.

سوڭعى جاڭالىقتار

ۇقساس جاڭالىقتار