ازىرگە قازاقستان جاعىنان وسى جارىسقا كىمدەردىڭ قاتىساتىنى بەلگىلى. ولار – ەرمەك تلاۋوۆ, اسىلجان باقىتجان ۇلى, اساۋ الماباەۆ, باقتيار نەسىپبەك, ەۆگەني ەگەمبەرديەۆ, عالىمجان قاناەۆ, ارتەم رەزنيكوۆ جانە تاعى باسقالارى. بۇل جىگىتتەردىڭ بارلىعى دا تالاي دۇرمەكتە ىسىلعان ساقا سپورتشىلار. سونداي-اق, قىتايدا تۋىپ-ءوسىپ, الەمدەگى ەڭ بەلدى ۇيىم – UFC-دە كۇش سىناسقان تۇڭعىش قانداسىمىز جۇمابەك تۇرسىن دا وسى كەشتە ءوز ونەرىن ورتاعا سالادى. وسى باسەكەلەر بارىسىندا ەكى بىردەي التىن بەلبەۋ ساراپقا سالىنادى.
الماتىدا وتەتىن جارىسقا ءبىز ەرەجەسىز جەكپە-جەك الەمىندە زور بەدەلى بار سپورتشىلاردى شاقىرتۋدى كوزدەپ وتىرمىز. قازىرگى كەزدە سول ساڭلاقتار جانە ولاردىڭ پروموۋتەرلەرىمەن كەلىسسوزدەر جۇرگىزىلۋدە. وسى ءىس اياقتالعاننان كەيىن قازاقستانعا ناقتى كىمدەردىڭ كەلەتىنىن جاريالايمىز. ءبىر انىعى – ءبىز سىرتتان تەك مىقتىلاردى عانا شاقىرتامىز. جانە دە وسى جارىستى تاماشالاۋعا قۇرمەتتى قوناق رەتىندە وسى سپورت ءتۇرىنىڭ حاس شەبەرى حابيب نۇرماعامبەتوۆ تە كەلەدى دەپ كۇتىلۋدە, – دەيدى «الاش پرايد» كلۋبىنىڭ پرەزيدەنتى دانيار قاسقاراۋوۆ.
عالىم سۇلەيمەن,
«Egemen Qazaqstan»
