بايقاۋدا ديماش قىتايداعى I'm A Singer شوۋىندا ايتقان S.O.S d'un terrien en détresse كومپوزيتسياسىن ورىندادى.
ساراپشىلار ديماش قۇدايبەرگەننىڭ ونەر كورسەتكەنىن تىك تۇرىپ تاماشالاپ, قوشەمەت كورسەتكەن.
«كوزىمدى جۇمىپ تۇرعاندا, وندا 8-10 ادام ءان ايتىپ جاتىر دەپ ويلار ەدىم. ءبىر ادامنىڭ ءوزى مۇنى قالاي ورىنداپ شىقتى», - دەيدى اكتريسا دريۋ بەرريمور. «بۇل شەبەرلىك پەن تابيعي دارىن. سەن The World's Best شوۋىنىڭ قۇرىلۋىنا سەبەپشىسىڭ», - دەدى اكتەر رۋ پول اندرە چارلز.
مۇنىڭ الدىندا ديماش قۇدايبەرگەن بۇل ول قاتىساتىن سوڭعى بايقاۋ ەكەنىن ايتقان ەدى.
ايتا كەتەيىك, بۇل بايقاۋعا قازاقستاندىق ءانشى قىز دانەليا تولەشوۆا دا قاتىستى. شوۋدىڭ باستى جەڭىمپازى ءبىر ميلليون دوللار الادى.
