ال ەلباسىنىڭ ءسوزى بويىمىزعا جىگەر بەرىپ, پاتريوتتىق سەزىمىمىزدى ۇشتادى. ءبىزدىڭ قازاقستاننىڭ بولاشاعىن قالايتىن ازاماتتار ەكەندىگىمىزدى تاعى ءبىر مارتە تەرەڭ سەزىنۋىمىزگە جول اشتى. ەلباسى بيىلعى جىلدى – جاستار جىلى دەپ جاريالاۋى تەگىننەن-تەگىن ەمەس. بۇل بىزگە بەرىلگەن ۇلكەن مۇمكىندىك. ءبىز تاۋەلسىز ەلدىڭ ۇرپاعى ەلباسىنىڭ ساليقالى ساياساتىن جۇزەگە اسىرۋ ارقىلى جاستاردىڭ قولىنان نە كەلەتىنىن دۇنيەجۇزىنە تانىتۋىمىز كەرەك. ولاردىڭ قولىنان قانداي ءىس كەلەتىنىن سوزبەن ەمەس, ىسپەن دالەلدەۋىمىز قاجەت.
ەلباسى بۇگىنگى جاستارعا قاراتا ايتقان سوزىندە دە ەلىمىزدىڭ كورىكتى جەرلەرىنىڭ ءبارىن ارالاعانىن, اسىرەسە الماتى وبلىسىندا ماقتان تۇتارلىق جەرىمىزدىڭ كوپ ەكەندىگىن اتاپ ءوتتى. بىزدە شارىن شاتقالى, التىنەمەل سىندى وزگەلەرگە ماقتانىشپەن كورسەتەتىن تابيعي بايلىعىمىز جەتەرلىك. سونى قولجەتىمدى ەتىپ, ءتۋريزمدى دامىتا بىلسەك, ەلىمىزدىڭ ابىرويى بۇدان بەتەر ارتا تۇسەدى دەپ ويلايمىن. سونداي-اق ەلباسى جاستاردى ساپالى ءبىلىم الىپ, عىلىمدى دامىتۋعا, وركەنيەت كوشىنەن قالماي ۋاقىت تالابىنا ساي ادىمداۋعا شاقىردى. جاس عالىمداردى قولداۋ ماقساتىندا بولىنەتىن گرانت كولەمىن ەكى ەسە ارتتىرۋدى تاپسىردى. بۇل بىزگە ۇلكەن سەرپىن بەردى.
دامير ديگاي,
ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى عىلىمي جاڭالىقتاردى
كوممەرتسيالاندىرۋ
ورتالىعىنىڭ ديرەكتورى
تالدىقورعان
