ەلباسى – قارۋلى كۇشتەردىڭ جوعارعى باس قولباسشىسىنىڭ تاپسىرماسىنا ساي ەنگىزىلگەن وزگەرىستەرگە سايكەس مەملەكەت يپوتەكالىق زاەمدار بويىنشا اسكەري قىزمەتشىلەردىڭ مىندەتتەمەلەرىن ءوز موينىنا الادى. ازىرلەنگەن مودەلگە ساي 2018 جىلعى قاڭتاردان باستاپ قارۋلى كۇشتەردىڭ اسكەري قىزمەتشىلەرى ەكىنشى دەڭگەيدەگى بانكتەردىڭ ءارتۇرلى باعدارلامالارى اياسىندا جەڭىلدىگى بار يپوتەكالىق نەسيەنى (زاەمدى) پايدالانىپ جانە ونى كورسەتىلگەن تولەمدەر ارقىلى وتەي وتىرىپ, قازاقستاننىڭ كەز كەلگەن وڭىرىندە جەكەمەنشىك باسپانا الۋعا مۇمكىندىك بەرەتىن تۇرعىن ءۇي تولەمدەرىنىڭ جۇزەگە اسىرىلۋىن قاراستىراتىن زاماناۋي جۇيەگە كوشىرىلدى. وسىعان وراي, جاڭا تۇرعىن ءۇي زاڭناماسىن ءتۇسىندىرۋ, ونىڭ بۇرىس ءتۇسىندىرىلۋىن بولدىرماۋ, اسكەري قىزمەتشىلەر مەن اسكەري زەينەتكەرلەردىڭ وزدەرىنىڭ قۇقىقتارىنىڭ قورعالۋىن قاداعالاۋ ماقساتىندا اسكەري پروكۋراتۋرا وكىلدەرىمەن بىرلەسكەن جۇمىس توبى اياگوز, سارىوزەك, جاركەنت, قاپشاعاي, شەڭگەلدى, جەتىگەن, الماتى, گۆاردەيسك, تاراز, لۋگوۆوي, شىمكەنت جانە ارىس گارنيزوندارىنا اتتاندى.
جاڭا تۇرعىن ءۇي زاڭناماسىنىڭ نورمالارىنا سايكەس كۇنتىزبەلىك ەسەپتەۋدە 2013 جىلعى 1 قاڭتاردا ەڭبەك ءوتىلى 10 جىلدان اساتىن, بىراق 20 جىلدان كەم اسكەري زەينەتكەرلەر بارلىق مەملەكەتتىك قىزمەتكەرلەر مەن بيۋدجەتتىك ۇيىمداردىڭ جۇمىسشىلارى سياقتى قالدىق باعا بويىنشا تۇرىپ جاتقان باسپانالارىن جەكەشەلەندىرۋگە قۇقىلى. الايدا, وسى ادامداردىڭ ءبىر بولىگى تۇرىپ جاتقان باسپانالارىن جەكەشەلەندىرە المايدى. سەبەبى ول ءۇي-جايلار جابىق اسكەري قالاشىقتاردا ورنالاسقان جانە جەكەشەلەندىرۋگە جاتپايدى. سوندىقتان اتالعان سانات ءۇشىن مەملەكەتتىك تۇرعىن ءۇي قورىنان ساتىپ الۋ ارقىلى باسپانانى جەكەشەلەندىرۋگە ولاردىڭ قۇقىقتارىن ىسكە اسىرۋ ماقساتىندا تۇرعىن ءۇي زاڭناماسىنا تۇزەتۋلەر ەنگىزىلدى جانە جەكەشەلەندىرۋگە جاتاتىن باسپانانى اۋىستىرۋعا مۇمكىندىك بەرىلگەن. ەگەر ولار مەملەكەتتىك تۇرعىن ءۇي قورىنان باسپانانى مەنشىككە اقىسىز الۋعا قۇقىقتارى بار ازاماتتار ساناتىنا جاتسا (سەمەي يادرولىق پوليگونىنداعى يادرولىق سىناق, ارال ماڭىنداعى ەكولوگيالىق اپات سالدارىنان زارداپ شەككەندەر, جاراقات, كونتۋزيا, مەرتىگۋ جانە ت.ب. سالدارىنان مۇگەدەك بولىپ قالعان I جانە II توپتاعى مۇگەدەكتەر), اۋىستىرىلعان باسپانانى اقىسىز جەكەشەلەندىرۋگە قۇقىقتارى بار.
قورعانىس مينيسترلىگى الەۋمەتتىك ماسەلەلەردى شەشۋدەگى بۇگىنگى كۇننىڭ جاعدايىن تۇسىنە وتىرىپ, قولدانىستاعى زاڭنامانى باسشىلىققا الىپ جاتىر. تۇرعىن ءۇي زاڭناماسىنا جاڭا وزگەرىستەردى ەنگىزۋ تاجىريبەسى جەتەكشى الەم ارميالارىن الەۋمەتتىك قامتاماسىز ەتۋدىڭ حالىقارالىق تاجىريبەسىنە ساي كەلەدى جانە جەتىلدىرۋگە ءارى قارايعى الەۋەتى بار.
باسپانامەن قامتاماسىز ەتۋدىڭ جاڭا مودەلى ىسكە اسىرىلعاننان باستاپ قارۋلى كۇشتەردىڭ 37 مىڭنان اسا اسكەري قىزمەتشىسى ارنايى شوتتار مەن دەپوزيتتەر اشقان, اسكەري قىزمەتشىلەردىڭ 2000-نان اسا وتباسىلارى ەلىمىزدىڭ تۇكپىر-تۇكپىرىندە جەكەمەنشىك باسپانانىڭ يەلەرى اتانعان, جەكەشەلەندىرۋگە جاتاتىن باسپانا اۋىستىرۋ جۇزەگە اسىرىلعان قالالار (استانا, سارىوزەك, سەمەي, وسكەمەن, تالدىقورعان, اقتوبە, اقتاۋ, اياگوز, ارىس, شىمكەنت).
