جاستار ساياساتى ماسەلەلەرى جونىندەگى باسقارمانىڭ باسشىسى يرينا تۋحۆاتۋلينانىڭ ايتۋىنشا, بيىل وبلىس ورتالىعىندا العاشقى رەت “Ivent” رەسپۋبليكالىق يننوۆاتسيالىق جوباسى, كيبەر-سپورتتان وڭىرلىك تۋرنير, جۇمىسشى ماماندىقتارى بويىنشا بايقاۋلار جانە “جاستار كەرۋەنى” لاگەرى وتكىزىلمەك. سوڭعى شارانىڭ شالعاي ەلدى مەكەندەردە ەڭبەك ەتىپ جاتقان جاس ماماندار ءۇشىن ماڭىزى زور كورىنەدى.
ال ويى ۇشقىر جاستاردىڭ جاڭاشىل يدەيالارىن قولداۋعا ارنالعان “Zhasproject” جوباسى ودان ءارى جالعاسادى. وتكەن جىلى بۇل جوبا بويىنشا 118 ميلليون تەڭگە ينۆەستيتسيا باعىتتالىپتى . 200-دەن استام سولتۇستىكقازاقستاندىق ورەن ستارتاپ-جوباسىن قورعاسا, ونىڭ 67-ءسى شاكىرتاقىمەن جانە گرانتتارمەن قارجىلاندىرىلعان. قارجىلىق قولداۋدىڭ ارقاسىندا 16 سپورت كلۋبى, 12 ءبىلىم بەرۋ جانە 9 دەمالىس ورتالىعى, 7 ەت جانە ءسۇت ءوندىرىسى كاسىپورنى, تىگىن شەبەرحاناسى, قۇس فابريكاسى جانە شينشيللا فەرماسى اشىلىپتى.
ەندى ء“جۇز ناقتى قادام – جاستارعا” جول كارتاسى جاسالىپ, ەلدى مەكەندەردى اباتتاندىرۋعا, جاس كوشەتتەر وتىرعىزۋعا باسىمدىق بەرىلىپ وتىر.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
