الايدا, انا ءولىمى مەن جول-كولىك اپاتىنان قايتىس بولعاندار سانى كەمىمەن وتىر. بۇل تۋرالى وبلىس اكىمىنىڭ ورىنباسارى اقان ابدۋاليەۆتىڭ جەتەكشىلىگىمەن وتكەن «دەنساۋلىق» باعدارلاماسىنىڭ جۇزەگە اسىرىلۋىنا قاتىستى كەڭەستە ايتىلدى.
جيىندا وڭىردەگى «مىندەتتى الەۋمەتتىك مەديتسينالىق ساقتاندىرۋ قورى» اياسىندا جۇرگىزىلگەن جۇمىستاردىڭ ەسەبى تىڭدالدى. وسى قوردىڭ الماتى وبلىسى بويىنشا فيليالىنىڭ باسشىسى ءسابيت قۇرالبەكتىڭ ايتۋىنشا, فيليال قىزمەتكەرلەرى وتكەن جىل بويىنا 81 كەزدەسۋ وتكىزىپ, 8072 ادامعا اقپاراتتىق ءتۇسىندىرۋ جۇمىستارىن جۇرگىزگەن.
- سونىمەن قاتار وبلىستىق اكىمشىلىك, دەنساۋلىق ساقتاۋ باسقارماسى, قوعامدىق دەنساۋلىق ساقتاۋ دەپارتامەنتى جانە رەسپۋبليكالىق ەلەكتروندى دەنساۋلىق ساقتاۋ ورتالىعىمەن بىرلەسە وتىرىپ, 5 اۋداندى ارالاپ, وڭىرلىك كەڭەستەر وتكىزدىك, – دەدى ءسابيت قۇرالبەك.
ال وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاقتىڭ ايتۋىنشا, كەيبىر اۋداندارداعى حالىق سانىنىڭ تىعىز ورنالاسۋىنان تۇرعىندارعا دارىگەرلىك قىزمەت كورسەتۋدىڭ ساپاسى كوتەرىلمەي وتىرعان كورىنەدى. مىسالعا, ەڭبەكشىقازاق اۋدانىندا 3104 ادامعا ءبىر دارىگەردەن كەلەدى ەكەن.
سونداي-اق, اۋىلدارداعى ينتەرنەت بايلانىسىنىڭ تومەندىگى اۋرۋحانالاردىڭ جۇمىسىن تسيفرلاندىرۋعا كەدەرگى كەلتىرۋدە. دەرەك بويىنشا, اقسۋ اۋدانىنداعى 17 اۋىلدىق وكرۋگتىڭ سەگىزىندە ينتەرنەت بايلانىسى مۇلدەم جوق.
قالماحانبەت مۇقامەتقالي,
"ەگەمەن قازاقستان"
الماتى وبلىسى
