بۇل قاعيدالار قازاقستان رەسپۋبليكاسىنىڭ ادىلەت مينيسترلىگىندە 2019 جىلعى 24 قاڭتاردا № 18233 بولىپ تىركەلدى جانە قر نقا ەلەكتروندىق تۇردەگى ەتالوندىق باقىلاۋ بانكىندە 2019 جىلدىڭ 28 قاڭتارىندا جاريالاندى.
قاعيدالار العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ, ياعني 2019 جىلدىڭ 8 اقپانىنان باستاپ قولدانىسقا ەنگىزىلەدى.
بەكىتىلگەن قاعيدالاردى ءسىز مىنا سىلتەمە بويىنشا كورە الاسىز: http://adilet.zan.kz/kaz/docs/V1900018233
2019 جىلدىڭ 1 قاڭتارىنان باستاپ شاعىن جانە ورتا بيزنەس سۋبەكتىلەرى ءۇشىن سالىقتىق راقىمشىلىقتى جۇرگىزۋدى قاراستىراتىن زاڭ كۇشىنە ەنگەنى بەلگىلى.
2019 جىلدىڭ 25 قاڭتارىنداعى جاعداي بويىنشا 25 769 سالىق تولەۋشى بيۋدجەتكە 2018 جىلدىڭ 1 قازانىندا بولعان جالپى سوماسى 5,5 ملرد.تەڭگە قۇرايتىن نەگىزگى قارىزىن تولەگەن.
ەسەپتەن شىعارۋ تارتىبىنە سايكەس, وسى سالىق تولەۋشىلەردىڭ جالپى سوماسى 1,0 ملرد.تەڭگە ءوسىمپۇل جانە 37,0 ملن.تەڭگە ايىپپۇل ەسەپتەن شىعارىلاتىن بولادى.
ونىڭ ىشىندە 2018 جىلدىڭ 1 قازانىندا تىركەلگەن بارلىق سالىق تۇرلەرى بويىنشا نەگىزگى قارىزىن تولەگەندەر - 24 270 سالىق تولەۋشىلەر بار, تولەنگەن سالىق قارىزى – 4,8 ملرد. تەڭگە.
بۇل سالىق تولەۋشىلەر بويىنشا جالپى سوماسى 0,6 ملرد.تەڭگە ءوسىمپ ۇلى جانە 20,3 ملن.تەڭگە ايىپپ ۇلى ەسەپتەن شىعارىلاتىن بولادى.
الدىن-الا دەرەكتەر بويىنشا 2018 جىلعى 1 قازانداعى جاعدايعا سايكەس 340,6 ملرد. تەڭگە سالىق بەرەشەگى بار 90 077 شاعىن جانە ورتا بيزنەس سۋبەكتىلەرى (31 210 زاڭدى تۇلعالار جانە 58 867 دارا كاسىپكەرلەر) راقىمشىلىققا جاتادى.
بۇل رەتتە, ەگەردە نەگىزگى قارىزدى 210,4 ملرد.تەڭگە كولەمىندە تولەگەن جاعدايدا ەسەپتەن شىعارۋعا جاتاتىن ءوسىمپۇلدىڭ جالپى سوماسى - 122,9 ملرد.تەڭگە, ايىپپۇلدىڭ سوماسى – 7,3 ملرد.تەڭگەنى قۇرايدى.
بۇل رەتتە 2018 جىلعى 1 قازاننان باستاپ نەگىزگى قارىز سوماسىن تولەۋ كۇنىنە دەيىن ەسەپتەلگەن ءوسىمپۇل سوماسى ەسەپتەن شىعارىلادى.
بۇل رەتتە مونيتورينگكە جاتاتىن, ءىرى سالىق تولەۋشىلەر, جەر قويناۋىن پايدالانۋشىلار (جەر استى سۋىن ءوندىرۋ, ەمدەۋ بالشىعىنا قۇقىعى بار جەر قويناۋىن پايدالانۋشىلاردى قوسپاعاندا), اكتسيزدەلەتىن ءونىمدى وندىرەتىن وندىرۋشىلەر سالىقتىق راقىمشىلىققا جاتپايدى.
راحىمشىلىققا ىلىگۋ ءۇشىن سالىق تولەۋشىلەرگە ەشقايدا بارۋدىڭ قاجەتى جوق, مەملەكەتتىك كىرىستەر ورگاندارى سالىقتىق بەت ەسەپتەرىنە مونيتورينگ جاساپ, نەگىزگى سالىق قارىزىن تولەگەن جاعدايدا, ءۇش جۇمىس كۇننەن كەشىكتىرمەي ەسەپتەن شىعارۋ تۋرالى ءتيىستى شەشىمدەرىن شىعارىپ وتىرادى.
سالىق تولەۋشىلەر نەگىزگى قارىزى, ءوسىمپۇل مولشەرىنىڭ سوماسىن انىقتاۋ ءۇشىن «سالىق تولەۋشىنىڭ كابينەتى» ۆەب-قوسىمشاسىندا بەت ەسەبىنەن ءۇزىندى الۋىنا بولادى.
سونداي-اق, كوميتەتتىڭ www.kgd.gov.kz ينتەرنەت-رەسۋرسى جانە «ەلەكتروندىق ۇكىمەت» پورتالى «سالىقتىق بەرەشەكتىڭ جوقتىعى (بار بولۋى) تۋرالى اقپارات» ەلەكتروندى سەرۆيسى ارقىلى ونلاين رەجيمىندە جسن/بسن بويىنشا سالىقتىق بەرەشەكتىڭ بولۋى / بولماۋى تۋرالى اعىمداعى اقپاراتتى الۋعا بولادى.
وڭالتۋ راسىمىندەگى جانە سالىقتار بويىنشا تولەۋ مەرزىمىن ۇزارتقان سالىق تولەۋشىلەرگە قاتىستى راحىمشىلىق قولدانۋدىڭ ءتارتىبى باسقاشا.
سالىقتىق راحىمشىلىققا ىلىگۋ ءۇشىن وسىنداي سالىق تولەۋشىلەر مەملەكەتتىك كىرىستەر ورگاندارىنا ءتيىستى ءوتىنىشتى جولداپ, سالىقتار بويىنشا نەگىزگى قارىزىن ەرتەرەك تولەۋى قاجەت.
ودان باسقا, وڭالتۋ راسىمىندەگى سالىق تولەۋشىلەر وڭالتۋ جوسپارىنا وزگەرىس ەنگىزىپ, ونى كرەديتورلار جينالىسىندا كەلىسىپ, سوتپەن بەكىتۋى قاجەت.
