«اتالعان قىلمىس تۇرلەرى ازاماتتاردىڭ جەكە اۋماعىنا جانە تۇرعىن ۇيلەرىنە ەنۋىمەن بايلانىستى, بۇل ماتەريالدىق زيان كەلتىرۋدەن باسقا ازاماتتاردىڭ دەنساۋلىعىنا مورالدىق-پسيحولوگيالىق زيان كەلتىرەدى. م ۇلىكتەن باسقا, وندا تۇراتىن وتباسى مۇشەلەرىنىڭ ءومىرى مەن دەنساۋلىعىنا ەلەۋلى قاۋىپ توندىرەتىن ءوز تۇرعىن ءۇيىنىڭ قاۋىپسىزدىگى مەن قورعالۋ سەنىمدىلىگى تومەندەيدى. كەلتىرىلگەن زالال, اتاپ ايتقاندا مال ۇرلىعىنان تۇسكەن زارداپ جۇزدەگەن مىڭ تەنگەنى قۇرايدى. ءتىپتى قىلمىسكەردى ۇستاعان جاعدايدا دا, ۇرلانعان مالدى تاۋىپ, قايتارىپ الۋ ءاردايىم مۇمكىن ەمەس», دەدى سەناتور.
كەلتىرگەن مالىمەتتەرگە سۇيەنسەك, الماتى وبلىسى 2018 جىلى تىركەلگەن قىلمىستار سانى بويىنشا رەسپۋبليكا كولەمىندە ەكىنشى ورىندا, ال الماتى قالاسى ءبىرىنشى ورىندا تۇر. سونىمەن قاتار, 2018 جىلدىڭ قورىتىندىسى بويىنشا كورسەتىلگەن كورسەتكىش 27 678 فاكتىنى قۇراپ, 2017 جىلمەن سالىستىرعاندا 6,3%-ارتىپ وتىر.
«الاڭداعان ازاماتتتار ءوز بەتىمەن پاترۋلدەۋ, قىلمىسكەردى ىزدەستىرۋ جانە ۇستاۋ سياقتى تاعى باسقا شارالار قابىلداۋعا ءماجبۇر, بۇل شارالار قىلمىسكەر ءۇشىن دە جانە ىزگى ازاماتتار ءۇشىن دە كۇتپەگەن سالدارعا اكەپ سوعۋى مۇمكىن», دەدى ول.
ونىڭ سوزىنە قاراعاندا, 2018 جىلى الماتى وبلىسىنىڭ اۋماعىندا 17 350 بوتەن م ۇلىكتى ۇرلاۋ فاكتىسى تىركەلگەن. رەسپۋبليكالىق كورسەتكىشتەر بويىنشا ۇرلىقتىڭ ەڭ كوپ كورسەتكىشى تەك الماتى قالاسىنا عانا جول بەرەتىن الماتى وبلىسىنا تيەسىلى. بۇل رەتتە اتالعان قىلمىستاردىڭ اشىلۋ كورسەتكىشى وتكەن جىلى 32%-دى قۇراعان.
سونىڭ ىشىندە 1 338 مال ۇرلىعى, ونىڭ 44%-ى اشىلسا, كەلتىرىلگەن ماتەريالدىق شىعىن 157 ميلليون تەڭگەنى قۇرايدى. سونداي-اق, 1 843 باس مال ۇرلانعان. وبلىس بويىنشا 422 ادام ۇستالىپ, ونىڭ 239-ءى بۇرىن وسى ۇرلىق جاساعانى ءۇشىن جازاعا تارتىلعان. بۇل ولاردىڭ 57%-ى. ءاربىر ءۇشىنشى مال ۇرلىعى جەكە اۋلادا جاسالعان.
«مال باسىن ەسەپكە الۋدى جانە بىردەيلەندىرۋدى كۇشەيتۋ (تاڭبالاۋ, سىرعالاۋ,چيپتەۋ) ۆەتەريناريالىق انىقتامالار مەن پاسپورتتاردى بەرۋدى قاتاڭ باقىلاۋعا الىپ, قاجەتتى شارالار قابىلداۋ قاجەت.
ءتيىستى ورگاندار كۇدىكتىلەرگە قاتىستى نەعۇرلىم قاتاڭ بۇلتارتپاۋ شارالارىن قولدانۋ قاجەت. كوپ جاعدايدا كۇدىكتىلەرگە قاتىستى "ەشقايدا كەتپەۋ تۋرالى قولحات" نەمەسە "كەپىل" قولدانىلادى. وسى سەبەپتەن ۇرلىق جاساۋدا نەگىزدەلگەن كۇدىكتىلەردىڭ 5 مىڭنان استام ادام بوستاندىقتا قالۋدا», دەدى نۇرلان قىلىشباەۆ.
ول دەپۋتاتتىق ساۋالدىڭ قاراۋ ناتيجەسىن «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 27-بابىندا بەلگىلەنگەن مەرزىمدە حابارلاۋىن سۇرادى.
