ستاتيستيكالىق مالىمەتتەر بويىنشا, ەلوردادا 2018 جىلدىڭ ءۇشىنشى توقسانىنىڭ قورىتىندىسىنا سايكەس 35 695 مىڭ ءوزىن-ءوزى جۇمىسپەن قامتۋشى ازامات تىركەلگەن.
ء«وزىن-ءوزى جۇمىسپەن قامتىعان ازاماتتاردىڭ مالىمەتتەرىن وزەكتەندىرۋ جانە وڭدەۋ BIG DATA دەرەكتەر قورى, جەكە تۇلعالاردىڭ مەملەكەتتىك دەرەكتەر قورى تۇرعىنداردى تىركەۋ ارقىلى جۇرگىزىلەدى. 30 قاڭتارداعى جاعداي بويىنشا, 73 925 ازاماتتىڭ الەۋمەتتىك مارتەبەسى راستالدى. ەلوردانىڭ 55 353 تۇرعىنى مارتەبەسىن انىقتاۋ شارالارى وڭدەلۋدە», – دەلىنگەن قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ حابارلاماسىندا.
قازىرگى ۋاقىتتا ۆەدومستۆو 1 قاڭتاردان باستاپ ارەكەت ەتە باستاعان بىرىڭعاي جيىنتىق تولەمدى (بجت) ەنگىزۋ بويىنشا ءتۇسىندىرۋ جۇمىستارىن جۇرگىزۋدە. شوب-تىڭ جاڭا قۇقىقتىق رەجيمىن ەنگىزۋ سالىق ورگاندارىندا فورمالدى ەمەس جۇمىسپەن قامتىلعان قىزمەتتى تىركەۋدىڭ وڭايلاتىلعان ءتارتىبىن كوزدەيدى. بۇدان باسقا, ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ, استانادا جۇمىسپەن قامتۋدى فورماليزاتسيالاۋ تۋرالى اقپاراتتىق-ءتۇسىندىرۋ جۇمىستارى بويىنشا جول كارتاسى بەكىتىلدى.
