كەزدەسۋ بارىسىندا ەلىمىزدە جانە الەمدە پاراليمپيادالىق سپورت تۇرلەرىن ودان ءارى دامىتۋ ماسەلەلەرى, سونداي-اق قازاقستاندا بيىل اstana-2019 پارا پاۋەرليفتينگ بويىنشا الەم چەمپيوناتىن وتكىزۋگە قاتىستى ماسەلەلەر تالقىلاندى. وسى حالىقارالىق دەڭگەيدەگى اۋقىمدى الەۋمەتتى سپورت جوباسى قازاقستاندا پارا پاۋەرليفتينگ تۇرلەرىنىڭ دامۋىنا جاڭا سەرپىن بەرەتىندىگى اتاپ ءوتىلدى.
پاۋەرليفتينگكە جارىستىق ءتارتىپ رەتىندە ءۇش جاتتىعۋ كىرەدى: جاۋىرىننىڭ ۇستىڭگى بولىگىنە زىلتەمىر قويىپ وتىرىپ-تۇرۋ, كولدەنەڭ ورىندىقتا جاتىپ زىلتەمىر كوتەرۋ, زىلتەمىر تارتۋ — بۇلار, تۇتاس العاندا, سپورتشىنىڭ بىلىكتىلىگىن انىقتايدى. پارا پاۋەرليفتينگ — بۇل مۇمكىندىكتەرى شەكتەۋلى جاندار اراسىنداعى جارىس.
2018 جىلعى 4 شىلدەدە استانادا مەملەكەت باسشىسىنىڭ قاتىسۋىمەن قاراوتكەل كەنتىندە ورنالاسقان قازاقستانداعى العاشقى پاراليمپيادالىق جاتتىقتىرۋ ورتالىعى اشىلدى. ورتالىق جازعى جانە قىسقى پاراليمپيادالىق سپورت تۇرلەرىنەن ۇلتتىق قۇراما كوماندالار مەن سپورت رەزەرۆتەرىن ساپالى ءارى كاسىبي دايارلاۋعا ارنالعان.
29 ماۋسىم – 6 شىلدە ارالىعىندا استانادا وتەتىن پارا پاۋەرليفتينگ بويىنشا الەم چەمپيوناتى — توكيو-2020 پاراليمپيادا ويىندارى الدىنداعى اقتىق ليتسەنزيالىق جارىس. جارىستارعا الەمنىڭ 90 ەلىنەن 400 سپورتشى قاتىسادى دەپ جوسپارلانعان.
