بۇل جوبا قازاقستان, بەلورۋس, رەسەي قالالارىنداعى جاس عالىمداردى قولداۋدى كوزدەيدى.
سىياقى كومپيۋتەر عىلىمى سالاسىنداعى ستۋدەنتتەرگە, اسپيرانتتارعا, عىلىمي جەتەكشىلەرگە بەرىلەدى. اتاپ ايتساق, داۋىس ارقىلى تابۋ جانە سينتەزدەۋ, اقپاراتتى ىزدەۋ, دەرەكتەردى تالداۋ, ماشينا جاساۋ, كومپيۋتەرلىك كورۋ, تابيعي تىلدەردى وڭدەۋ جانە ماشينالىق اۋدارمانى جەتىلدىرۋدە جەتىستىككە جەتكەندەر الادى. ياندەكس بۇل باعىتتى كوپتەن بەرى ۇستانادى. ءوز ءونىمىن ىزدەۋ, اۋدارۋ, اليس داۋىس كومەكشىسى جانە كولىك قۇرالدارى سىندى بىرقاتار جەرلەردە قولدانادى.
ء«بىزدىڭ تەحنولوگيالارىمىزدىڭ نەگىزىندە مىقتى ماتەماتيكالىق مەكتەپسىز جانە نەگىزگى عىلىمسىز جۇزەگە اسپايتىن دۇنيەلەر جاتىر. سىياقى ارقىلى كومپيۋتەرلىك عىلىممەن اينالىساتىن جانە بولاشاقتىڭ تەحنولوگيالارىن جاسايتىن زەرتتەۋشىلەردى قولداعىمىز كەلەدى. ماراپاتتا ءيليدىڭ ەسىمى بار, ول ايتارلىقتاي جەتىستىككە جەتكەن جانە IT قوعامداستىعىن قولداۋ ءۇشىن كوپ نارسە جاسادى», دەيدى «ياندەكس» كومپانيالار توبىنىڭ باس ديرەكتورى اركادي ۆولوج.
ستۋدەنتتەر مەن ماگيسترانتتار كونكۋرسقا قاتىسۋعا وزدەرى ءوتىنىش بەرەدى جانە عىلىمي جەتەكشىلەرىن ۇسىنادى. لاۋرەاتتاردى سىياقىنى ۇيىمداستىرعان كەڭەس پەن كونكۋرستىق كوميسسيا تاڭدايدى. ونىڭ قۇرامىنا ياندەكستىڭ جانە عىلىمي قوعامداستىقتىڭ وكىلدەرى كىرەدى. نەگىزگى ىرىكتەۋ كريتەريلەرى: كونفەرەنتسيالاردا قورعاعان پرەزەنتاتسيالارىنىڭ بولۋى, سونداي-اق عىلىمي قاۋىمداستىقتىڭ دامۋىنا قوساتىن ۇلەسى بولۋى شارت.
ءبىرىنشى ماراپاتتاۋ ءراسىمى 2019 جىلدىڭ ساۋىرىندە وتەدى. كونكۋرسقا اقپان ايىنىڭ سوڭىنا دەيىن تىركەلە الاسىز. لاۋرەات اتانعان ستۋدەنتتەر مەن ماگيسترانتتار 350 مىڭ رۋبل سىياقى الادى. سونىمەن قاتار جاساندى ينتەللەكت تۋرالى حالىقارالىق كونفەرەنتسياعا جولداما الادى. سونداي-اق, «ياندەكس» عىلىمي-زەرتتەۋ بولىمىنە عىلىمي تاعىلىمداماعا شاقىرىلادى. عىلىمي جەتەكشىلەر دە سىياقىدان قۇرالاقان قالمايدى. ولارعا بەرىلەتىن سىياقى مولشەرى – 700 مىڭ رۋبل. سىياقىنىڭ جالپى قورى – 15 ميلليون رۋبل.
كومپانيا قازاقستاندا دا ءوز ءبولىمىن اشتى. ليتسەي – مەكتەپ وقۋشىلارىن باعدارلامالاۋعا ۇيرەتەتىن تەگىن جوبا. ليتسەي بولىمشەلەرى الماتىدا, استانادا, ورالدا, قىزىلجاردا بار.
