جيىنعا اقپارات جانە كوممۋنيكاتسيالار ءمينيسترى داۋرەن اباەۆ, تۇركيا رەسپۋبليكاسى كولىك جانە ينفراقۇرىلىم ءمينيسترى مەحمەت جاحيت تۋرحان, قىرعىز رەسپۋبليكاسىنىڭ اقپاراتتىق تەحنولوگيالار جانە بايلانىس كوميتەتىنىڭ توراعاسى باقىت شارششەمبيەۆ, ازەربايجان رەسپۋبليكاسى كولىك, كوممۋنيكاتسيا جانە جوعارى تەحنولوگيالار ءمينيسترىنىڭ ورىنباسارى ەلمير ۆەليزادە, ۆەنگريانىڭ اقپاراتتىق كوممۋنيكاتسيالار, يننوۆاتسيالار جانە تەحنولوگيالار مەملەكەتتىك حاتشىسىنىڭ ورىنباسارى كارول بالاش سوليمار قاتىستى.
«وزدەرىڭىزگە بەلگىلى, بىلتىر قىركۇيەك ايىندا قىرعىز رەسپۋبليكاسىنىڭ شولپون اتا قالاسىندا تۇركى كەڭەسىنىڭ ءسامميتى ءوتتى. وندا تۇركى مەملەكەتتەرىنىڭ باسشىلارى ەل ۇكىمەتتەرىنە, تۇركى كەڭەسى حاتشىلىعىنا تاپسىرما بەردى. سامميتتەن كەيىنگى ايلاردا ەكونوميكا, ساۋدا بايلانىسى, تۋريزم سالاسىندا ۇلكەن جۇمىس اتقارىلىپ جاتىر. ناقتى ايتساق, ينۆەستيتسيالىق قور قۇرۋ جəنە ورتاق ساۋدا ءوندىرىس پالاتالارىن اشۋ مəسەلەلەرى تالقىلاندى. بۇگىنگى كەزدەسۋ بارىسىندا اقپاراتتىق كوممۋنيكاتسيالىق سالاداعى مينيسترلەردىڭ باس قوسۋى بولىپ وتىر. بۇگىن 4 نەگىزگى باعىت بويىنشا تالقىلاۋ وتەدى. قازىرگى زاماندا اقپاراتتىق تەحنولوگيالاردىڭ ءمəنى زور», - دەدى تۇركى كەڭەسىنىڭ باس حاتشىسى باعداد Əمىرەەۆ.
ماڭىزدى وتىرىسقا دەيىن مۇشە مەملەكەتتەردىڭ جوعارى لاۋازىمدى تۇلعالارىنىڭ قاتىسۋىمەن اقپاراتتىق-كوممۋنيكاتسيالىق تەحنولوگيالار بويىنشا تۇركى كەڭەسى جۇمىس توبىنىڭ ءتورتىنشى وتىرىسى ءوتتى. مۇشە مەملەكەتتەر كيبەرقاۋىپسىزدىك, ەلەكتروندىق ۇكىمەت, سپۋتنيكتىك قىزمەتتەر جانە TASIM جوباسى تالشىقتى ينفراقۇرىلىم, سونداي-اق اقپاراتتىق كوممۋنيكاتسيالىق تەحنولوگيالارمەن بايلانىستى باسقا دا باسىم ماسەلەلەر بويىنشا ىنتىماقتاستىقتى كەڭەيتۋ جولدارىن تالقىلادى.
