قىزىلشانىڭ پاۆلو, بورو, ۆودان F1 اتتى تۇقىمدارى شەتەلدەن اكەلىنگەن. قازىرگى تاڭدا ديقاندار 20 گەكتارعا تۇقىم ەگىپ ۇلگەرگەن. 2 جارىم ايدان كەيىن ءونىم بەرە باستايتىن كوكونىستىڭ بۇل تۇرىنەن گەكتارىنا 25-30 توننا ءونىم الۋعا بولادى ەكەن.
بىلتىر ەرتە كوتەمدە ءونىم العان ا.قالىبەكوۆ اۋىلدىق وكرۋگىنىڭ ديقاندارى الماتى, استانا, قاراعاندى قالالارىنا جانە رەسەي مەملەكەتىنە قىزىلشا ءونىمىن ساتىپ, مول تابىس تاپقان. سوندىقتان, اۋىلدىق وكرۋگتىڭ اكىمى م.بيتەمىروۆ باسقا دا ديقاندارعا قىزىلشا ەگۋگە كەڭەس بەرەدى.
قىزىلشا ەگىلەتىن جەر وتە قۇنارلى بولۋى ءتيىس. ول ءۇشىن سەليترا, امموفوس, مالدىڭ قيلارى ارقىلى جەر تىڭايتىلادى. اگروتەحنيكالىق شارالاردىڭ باسىم بولىگى قولدىڭ كۇشىمەن ىستەلەتىندىكتەن, قىزىلشا ەگۋ ءۇشىن قاجىرلى ەڭبەك كەرەك ەكەنى ەسكەرىلۋى ءتيىس. الايدا, ۇلكەن ەڭبەكتىڭ سوڭى – ۇلكەن تابىسقا الىپ كەلەتىنىن وكرۋگ اكىمى اتاپ ءوتتى.
ايتا كەتەيىك, ماقتاارال اۋدانى ا.قالىبەكوۆ اۋىلدىق وكرۋگىندە 4632 گەكتار ەگىستىك جەر بار. باقشا ونىمدەرىن وندىرۋمەن اتى شىققان وكرۋگ بىلتىر 200 مىڭ تونناعا جۋىق قاۋىن-قاربىز ونىمدەرىن ەكسپورتقا شىعارعان.
