اقتاۋ قالاسىنداعى ورتالىق مەملەكەتتىك ورگاندارىنىڭ اۋماقتىق بولىمشەلەرى, اتاپ ايتقاندا وبلىستىق مەملەكەتتىك كىرىستەر, ادىلەت, پوليتسيا, قوعامدىق دەنساۋلىق ساقتاۋ, ەڭبەك, الەۋمەتتىك قورعاۋ جانە كوشى-قون, ونەرىكاسپتىك قاۋىپسىزدىگى كوميتەتىنىڭ وڭىرلىك دەپارتامەنتتەرىنىڭ ماماندارى تۇرعىندارمەن تىلدەستى.
سونىمەن قاتار, حقكو, كولىكتىك باقىلاۋ ينسپەكتسياسى, وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى, اقتاۋ قالالىق № 1 جانە 2 ەمحانالارى, وبلىستىق پسيحونەۆرولوگيالىق, ناركولوگيالىق, تۋبەركۋلەزگە قارسى كۇرەس ديسپانسەرلەرى, اقتاۋ جانە باۋتينو پورتتارىنىڭ ماماندارى حالىققا مەملەكەتتىك قىزمەت كورسەتۋ بويىنشا كونسۋلتاتسيالىق-ادىستەمەلىك كومەك كورسەتتى.
بارلىعى 50-دەن استام ماماندار جۇمىس اتقارىپ, كەلۋشىلەرگە كەڭەس بەرىلدى جانە ەلەكتروندىق مەملەكەتتىك قىزمەتتەردى ناسيحاتتاۋ بويىنشا 1000-نان استام بروشيۋرالار تاراتىلىپ, ەلەكتروندىق قىزمەت الۋ مەن موبيلدىك قوسىمشالار تۋرالى ارنايى دايىندالعان بەينەروليكتەر كورسەتىلدى.
اگەنتتىكتىڭ اۋماقتىق دەپارتامەنتىنىڭ باسشىسى تۇرعىنداردى مازالاعان سۇراقتارى بويىنشا جەكە سۇراقتارمەن قابىلداۋ كەستەسىنە سايكەس قابىلداۋعا دايىن ەكەندىگىن جەتكىزدى. بيىل ءبىرىنشى رەت ءوتىپ جاتقان جارمەڭكەگە تۇرعىندار بەلسەندى قاتىسقاندىعىن ايتا كەتۋ كەرەك. حالىقتىڭ قولجەتىمدى قىزمەتتەر الۋ ءۇشىن تۇتىنۋشىلارعا ىڭعايلى ورىنداردا, اسىرەسە حالىق كوپ شوعىرلاناتىن جەرلەردە تۇراقتى تۇردە ءجيى ۇيىمداستىرىلادى دەپ سەندىردى.
جارمەڭكەگە كەلۋشىلەردىڭ باسىم كوپشىلىگى الەۋمەتتىك كومەك الۋدىڭ ءتارتىبى مەن شارتى, تۇرعىن ءۇي قۇجاتتارىن راسىمدەۋ, وتا جاساتۋ ءۇشىن كۆوتا الۋ, بالانى بالاباقشاعا كەزەكتە تۇرعىزۋ سياقتى ەلەكتروندى قىزمەتتەردىڭ وزگە دە تۇرلەرى بويىنشا سۇراقتارىن قويدى.
-ەلباسىنىڭ 2018 جىلى 5 قازاندا «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىندا سىبايلاس جەمقورلىقپەن بەلسەندى كۇرەس جالعاساتىنىن جانە كورسەتىلەتىن مەملەكەتتىك قىزمەتتەر اياسىندا مەملەكەتتىك قىزمەتشىلەردىڭ تۇرعىندارمەن تىكەلەي قارىم-قاتىناسىن ازايتۋعا قول جەتكىزگەن ءجون ەكەندىگىن ايتتى. بۇل رەتتە, 2019 جىلى كورسەتىلەتىن مەملەكەتتىك قىزمەتتەردىڭ 80 پايىزى, ال 2020 جىلى كەمىندە 90 پايىزى ەلەكتروندى فورماتقا كوشىرىلۋگە ءتيىس دەگەن بولاتىن. ماسەلەن, وتكەن جىلى ماڭعىستاۋ وبلىسىندا وتكەن جىلى ەلەكتروندىق تۇردە كورسەتىلگەن مەملەكەتتىك قىزمەتتەردىڭ پايىزدىق ۇلەسى 79,4% قۇرادى. ياعني, بيىل بۇل كورسەتكىش 90% اسادى دەگەن سەنىمدەمىز, دەدى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى نۇرگۇل جاننازاروۆا.
جارمەڭكە بارىسىندا ازاماتتارعا مەملەكەتتىك قىزمەتتەردى كورسەتۋدىڭ سۇرانىسقا يە سالالارى بويىنشا قاجەتتى كونسۋلتاتيۆتىك-ادىستەمەلىك كومەك كورسەتىلدى.
تۇرعىنداردىڭ تسيفرلىق ساۋاتتىلىق داعدىلارىن قالىپتاستىرۋدى كوزدەگەن شارا اياسىندا, كەلۋشىلەر تولىققاندى ماعلۇماتتار الىپ, كوتەرىڭكى كوڭىل كۇيدە ەكەندىكتەرىن جاسىرمادى. ءىس-شارا سوڭىندا قالا تۇرعىندارىنا جادىنامالار تاراتىلىپ, قويىلعان ساۋالدارىنا جاۋاپتار بەرىلدى.
قر مەملەكەتتىك قىزمەت ىستەرى جəنە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى باستاماشى بولىپ وتىرعان مۇنداي مەملەكەتتىك قىزمەتتەر جارمەڭكەسى, الداعى ۋاقىتتا بارلىق اۋداندا وتكىزۋ جوسپاردا بار.
گۇلايىم شىنتەمىرقىزى,
«Egemen Qazaqstan»
ماڭعىستاۋ وبلىسى
