- ارنايى تاكتيكالىق جاتتىعۋلاردىڭ نەگىزگى ماقساتتارى - ديۆەرسيالىق توپتاردىڭ شابۋىلداۋ قاۋپى جاعدايىندا اسكەري ءبولىم باسقارمالاردىڭ تەز ارادا قيمىلداۋىن جەتىلدىرۋ بولىپ تابىلدى, -دەدى «شىعىس» اسكەري وڭىرلىك قولباسشىلىعى ءباسپاسوز قىزمەتىنىڭ جەتەكشىسى, اعا لەيتانانت يسلامبەك قالدىبەكوۆ,-كەزەكشى اسكەري ءبولىم تەز ارادا شابۋىلدارعا تويتارىس بەرە وتىرىپ, جويۋعا تىرىسۋلارى قاجەت. ديۆەرسياعا قارسى قاۋىپسىزدىكتى ارتتىرۋ ءۇشىن ەڭ الدىمەن جەكە قۇرامنىڭ جوعارعى مورالدىق-پسيحولوگيالىق جانە جاۋىنگەرلىك قاسيەتتەرىن دامىتۋ اسا قاجەتتىگى نازارعا الىندى.
تاكتيكالىق جاتتىعۋلار بارىسىندا اسكەري بولىمدەر ديۆەرسيالىق توپتاردىڭ قارۋ-جاراقتار مەن وق-دارىلەردى تارتىپ الۋىنا جول بەرمەۋگە تىرىستى. اسكەري قارۋ-جاراعى بار بولىمدەردىڭ اۋماعىنا ەنۋگە تىرىساتىن شارتتى قارسىلاستىڭ شابۋىلىنا تويتارىس بەردى. ول ءۇشىن جوعارعى جاۋىنگەرلىك دەڭگەيدە قيمىلدادى.
اعا لەيتانانت يسلامبەك قالدىبەكوۆتىڭ ايتۋىنشا, ارنايى تاكتيكالىق جاتتىعۋلاردىڭ ناتيجەسى بويىنشا, سەمەي وڭىرلىك گارنيزونىنىڭ اسكەري بولىمدەرى ديۆەرسيالىق قاۋىپسىزدىك ماسەلەسىندە «قاناعاتتانارلىق» دەگەن باعا الدى. دەمەك, الدا ۇزدىكتەر قاتارىنا قوسىلۋ ءۇشىن جاتتىعۋدى ءالى دە شىڭداي ءتۇسۋ قاجەت.
راۋشان قابجانقىزى,
«ەگەمەن قازاقستان»
سەمەي
