Worldboxingnews.net پورتالىنىڭ مالىمەتىنشە, جاقىن كۇندەرى گولوۆكيننىڭ DAZN ستريمينگتىك قىزمەتىمەن كەلىسىمشارت جاساسقانى جاريا ەتىلەدى. باسىلىم بولجامىنشا, بۇل Golden Boy Promotions باسشىسى وسكار دە لا حويانىڭ GGG مەن ساۋل الۆارەس (51-1-2, 35 كو) اراسىنداعى جەكپە-جەككە قاتىستى ايتقانىن راستاپ تۇر.
«كۇمان جوق, بۇل جەكپە-جەكتى تاماشالايتىن بولامىز. «كانەلو» مىقتىلارمەن جۇدىرىقتاسقىسى كەلەدى. ءۇشىنشى رەتتە «كانەلو» ونى نوكاۋتقا تۇسىرەتىنىنە سەنىمدىمىن», – دەگەن ەدى دە لا حويا.
«دە لا حويانىڭ جۋىرداعى گولوۆكين – «كانەلو» تريلوگياسى جايلى مالىمدەمەسى ءبىر نارسەنى عانا بىلدىرەدى. جاقىن كۇندەرى GGG DAZN-مەن سوڭعى ءىرى كەلىسىمشارت جاساۋشى رەتىندە تانىستىرىلادى. HBO بوكستان كەتكەننەن كەيىن گولوۆكين بارلىق نەگىزگى تەلەكومپانيالارمەن كەلىسسوزدەر جۇرگىزدى. DAZN قازىر كوش باسىندا, ال Showtime جالعىز بالاما. جاقىن ارادا قۇلاعداندىرۋ جاسالاتىن شىعار, ويتكەنى گولوۆكيننىڭ رينگكە ورالۋىنا از ۋاقىت قالدى», – دەپ جازادى باسىلىم.
