شارانى ۇيىمداستىرۋشى «كاسپي» شاڭىراعىنىڭ پەداگوگ-كۋراتورى اقگۇل سارمانوۆانىڭ ايتۋىنشا, بايقاۋدى وتكىزۋدەگى باستى ماقسات – بالالاردى كىتاپ وقۋعا ىنتالاندىرۋ, «نازارباەۆ زياتكەرلىك مەكتەپتەرى» دببۇ «100 كىتاپ» جوباسىنىڭ تانىمالدىلىعىن ارتتىرۋ.
– مەكتەبىمىزدەگى كىتاپسۇيەر وقۋشىلاردىڭ باسىن بىرىكتىرىپ, «DARA» اتتى وقىرماندار كلۋبىن قۇردىق. اتالعان ۇيىم بالالار مەن اتا-انالار اراسىندا كىتاپ وقۋدىڭ تانىمالدىلىعىن ارتتىرىپ, شىعارمالارعا جارناما جاساۋدى, اتا-انانى مەكتەپ ومىرىنە بەلسەندى ارالاستىرۋدى كوزدەيدى. ناتيجەسىندە, كلۋب مۇشەلەرى وسىنداي قىزىقتى سايىستى وتكىزۋدى ۇسىندى, – دەيدى ول.
ء«تاتتى كىتاپ» جوباسى اياسىندا ءاربىر شاڭىراق ەكىنشى توقسان سوڭىندا جەرەبە كومەگىمەن وقيتىن ءۇش كىتاپتى انىقتايدى. كەيىن ول كىتاپتاردى وقىپ, سىنىپ بولىپ تالقىلاۋ جۇرگىزەدى. جارىس كۇنى جارىس تالاپتارىنا سايكەس تورت دايىنداپ, ونى كوپشىلىك الدىندا قورعاپ, وزدەرى دايىنداعان تورت-كىتاپقا جارناما جاسادى. جالپى كولەمدە وقۋشىلار 50-گە جۋىق كىتاپ وقىدى.
سايىستا قازىلار القاسىنىڭ شەشىمىمەن ە.حەمينگۋەيدىڭ «شال مەن تەڭىز» پوۆەسى نەگىزىندە «ماڭعىستاۋ» شاڭىراعىنىڭ قاتىسۋشىلارى دايىنداعان ءتاتتى ەڭ ۇزدىك تورت دەپ تانىلدى. ال «قاراقيا-1» توبى س.نازاروۆانىڭ «موي زەلەنوگلازىي ارۋاح» كىتابىن جانە «اقوردا-2» شاڭىراعى ا.بەكتىڭ «ۆولوكولامسكوە شوسسە» كىتابىن بەينەلەپ ەكىنشى ورىندى يەلەنسە, ءۇشىنشى ورىن ب.شوۋدىڭ «پيگماليونىن» بەينەلەگەن «قاراقيا-2» توبىنا جانە شارلوتتا برونتەنىڭ «دجەين ەير» كىتابىن سۋرەتتەگەن «اقوردا-1» توبىنا, انتۋان دە – سەنت ەكزيۋپەريدىڭ «مالەنكي پرينتس» كىتابىن بەينەلەگەن «ساۋرا» شاڭىراقتارىنا بۇيىردى.
– مۇنداي قىزىقتى جارىسقا العاش رەت قاتىسىپ تۇرمىز. ءبىز وزىمىزگە ەرەكشە اسەر قالدىرعان شەرحان مۇرتازانىڭ «اي مەن ايشا» شىعارماسىنىڭ جەلىسىندە تورت دايىندادىق. بۇل تۋىندىدا جازۋشىنىڭ بالالىق شاعىندا باسىنان كەشكەندەرى, وتباسى تۋرالى باياندالعان. ەرەكشە اسەر سىيلايتىن كىتاپتى وقۋعا كەڭەس بەرەمىز, دەيدى «تامشالى» شاڭىراعىنان قاتىسقان نازگۇل قۋانتقان مەن قۋانىش بەاتريسس.
گۇلايىم شىنتەمىرقىزى,
«Egemen Qazaqstan»
ماڭعىستاۋ وبلىسى
