كەش شىمىلدىعى مەملەكەتتىك حاتشى گۇلشارا ابدىقالىقوۆانىڭ قۇتتىقتاۋ حاتىمەن اشىلدى. ءبىرىنشى بولىپ ءسوز العان مەملەكەت جانە قوعام قايراتكەرى, قازاقستاننىڭ ەڭبەك ەرى ولجاس سۇلەيمەنوۆ قالامداس دوسىن كۇنى كەشە جازىپ بىتىرگەن جاڭا شىعارماسىمەن قۇتتىقتادى.
الىستان ات ارىتىپ كەلگەن ازەربايجان جازۋشىسى ەلحان زال كاراحان س.دوسانوۆتىڭ ازەربايجان تىلىندە جارىق كورگەن تاڭدامالى شىعارمالار جيناعىنىڭ ءبىر تومدىعىن تارتۋ ەتىپ, ازەربايجاندا قازاق قالامگەرىنىڭ الداعى جىلى 80 جاسقا تولاتىن مەرەيتويىنا ازىرلىك باستالىپ كەتكەنىن حابارلادى. تۇركيالىقتار سالەمىن ەلچين, قىرعىز باۋىرلاردىڭ ىستىق ىقىلاسىن مارحاباي ااماتوۆ, وزبەك تۋىسقاندار قۇرمەتىن جازۋشى مەحمونقۇل يسلامقۇلوۆ پەن وزبەكستاننىڭ باس كونسۋلى ابرور فاتۋلاەۆ, وزبەك تەاترىنىڭ ديرەكتورى يكرام حوشيمجانوۆ, جازۋشىنىڭ تۋعان ءوڭىرى قوستانايلىقتار قۇتتىقتاۋىن وبلىس اكىمى ارحيمەد مۇحامبەتوۆ پەن امانكەلدى اۋدانىنىڭ اكىمى ءامىرحان اسانوۆ اتىنان وبلىس اكىمدىگىنىڭ ءبولىم مەڭگەرۋشىسى ارمان ادەنوۆ جەتكىزدى. الماتى قالاسىنىڭ اكىمى باۋىرجان بايبەكتىڭ سالەمىن قالا اكىمىنىڭ ورىنباسارى سۇلتانبەك ماكەجانوۆ, وڭتۇستىك قازاقستان حالقىنىڭ اقجارما اق تىلەگىن ناۋرىز-ءالى ورازىمبەتوۆ, جامبىل وبلىسى جۇرتشىلىعى ىستىق ىقىلاسىن تەمىرحان ايمەنوۆ ءبىلدىردى. كەش يەسىن جۇرگەنوۆ اتىنداعى ونەر اكادەمياسىنىڭ رەكتورى اسحات ماەميروۆ, مەملەكەتتىك سىيلىقتىڭ لاۋرەاتى وتەگەن ورالباي ۇلى, ت.ب. قۇتتىقتادى. اقىندار مىڭباي ءراش, قازىبەك يسا, زەينەتكەر ۇستاز فايما تورەبەكوۆا ارناۋ ولەڭدەرىن وقىدى.
قازاقستاننىڭ ەڭبەك سىڭىرگەن قايراتكەرى مەرۋەرت تۇسىپباەۆا, ءانشى, عابيت مۇسىرەپوۆ اتىنداعى تەاتردىڭ اكتريساسى اراي بولاتقىزى, انشىلەر عالىمجان ابدىبەكوۆ, وكتەم التاەۆ اسەرلى كەشتى اسەم انمەن ارلەدى.
بۇل ادەبي كەش قالامگەردى ماداقتاۋمەن ەمەس ادەبيەت, ونەر جايلى سىرلاسىپ, ءومىردىڭ وزەكتى ماسەلەلەرى جايلى وي وربىتۋمەن, تاۋەلسىزدىك تۋرالى تولىمدى وي تولعاۋمەن ەرەكشەلەندى.
