وبلىس اكىمى ءباسپاسوز قىزمەتىنىڭ مالىمدەۋىنشە, تسيفرلاندىرۋ اياسىندا وبلىس كاسىپورىندارى قۇنى 5 ملرد تەڭگە تۇراتىن 11 جوبانى ىسكە اسىرعان. جوبالاردى ىسكە اسىرۋ بارىسىندا ونىمدەردىڭ قۇنىن تومەندەتۋ, وتاندىق ءونىمدى تۇتىنۋدى ساراپتاۋ جانە باقىلاۋ قولعا الىندى.
قازىرگى ۋاقىتتا ەلەكتر ەنەرگياسىن ەسەپكە الۋدىڭ كوممەرتسيالىق جۇيەسىن, ءارتۇرلى باسقارۋ جۇيەلەرىن, GPS, اتموسفەرالىق جانە كوممۋتاتسيالىق قاتتى كۇش بەرۋدەن قورعايتىن قۇرىلعىلاردى جانە تاعى دا باسقالارى اۆتوماتتاندىرىلعان ساندىق جۇيەدە جۇمىس جاساۋدا.
مىسالى, بۇل ماقسات - «ەۋروازياتتىق ەنەرگەتيكالىق كورپوراتسياسى» اق, «كاۋستيك» اق, «مايقايىڭالتىن» اق, «ERG Service» اق-نىڭ فيليالى – ماشيناقۇراستىرۋ زاۋىتى, «پاۆلودار مۇناي-حيميا زاۋىتى» جشس, «قازاقستان ەلەكتروليز زاۋىتى» اق, «قازاقستان ءاليۋمينيى» اق جانە «پرومماشكومپلەكت» جشس-دا ءساتتى جۇرگىزىلۋدە.
بيىل كاسىپكەرلىكتى قولداۋ كارتاسىنىڭ 3 جوباسىن ىسكە اسىرۋ جوسپارلانۋدا. اقسۋداعى «ەۋروازياتتىق ەنەرگەتيكالىق كورپوراتسياسى» اق-نا قاراستى №5 ەنەرگوبلوك قايتا جاڭعىرتىلماق.
سونداي-اق, قۇم بلوكتارىن شىعاراتىن ءوندىرىس ورنى اشىلماق. كاسىپورىندار تەحنولوگيالىق جاڭعىرتۋ جانە تسيفرلاندىرۋ بويىنشا جۇمىستاردى قولعا الۋدا.
وڭىرىمىزدەگى ءىرى ءوندىرىس ورىندارى 2025 جىلعا دەيىن تەحنولوگيالىق تۇرعىدان جاڭعىرۋعا, تسيفرلاندىرۋ ەلەمەنتتەرىن ەنگىزۋمەن اياقتالۋى مەرزىمدەرى ءارتۇرلى 40 جوبانى ىسكە اسىرماق.
مىسالى, وبلىس ورتالىعىنداعى «مۇناي-حيميا زاۋىتى» جشس جابدىقتارعا قىزمەت كورسەتۋ جانە جوندەۋدىڭ اۆتوماتتاندىرىلعان جۇيەسىنە كوشپەك. ەڭبەك ونىمدىلىگىن ارتتىرىپ, وندىرىستىك شىعىنداردى ءبىرشاما ازايتادى.
بيىل وڭىردە ديسپەتچەرلىك جانە اۆاريالىق-قۇتقارۋ قىزمەتتەرىن, گەوگرافيالىق اقپاراتتىق جۇيەلەردى, قوعامدىق كولىكتە ەلەكتروندى بيلەتتەردى ساتۋ جۇيەسى ەنگىزىلەدى.
سونىمەن قاتار, جول قوزعالىسى ەرەجەلەرىن بۇزۋشىلىقتى فوتو جانە بەينە جازبالار ارقىلى تىركەۋ جانە بەينە-اناليتيكانى جەدەل باسقارۋ ءۇشىن ارنايى ورتالىق قۇرۋ جوسپارلانۋدا.
فاريدا بىقاي,
«ەگەمەن قازاقستان»
پاۆلودار
