قر پرەمەر-ءمينيسترى باقىتجان ساعىنتاەۆتىڭ قولى قويىلعان قر ۇكىمەتىنىڭ قاۋلىسىندا مۇنايلى وڭىردەگى مەكەمەلەر دە اتالادى. مىسالى, يساتاي اۋدانىنداعى «چاپاەۆ اتىنداعى جالپى ءبىلىم بەرەتىن باستاۋىش مەكتەپ» ەندى قازاقتىڭ ۇلى اقىنى جامبىلدىڭ ەسىمىمەن اتالاتىن بولادى. ال تۇششىقۇدىق اۋىلىنداعى مادەنيەت ءۇيى «ناريمان ۇلكەنباي ۇلى اتىنداعى مادەنيەت ءۇيى» دەپ اتالادى.
ماحامبەت اۋدانىنداعى چكالوۆ اتىنداعى ورتا مەكتەپ احمەت بايتۇرسىن ۇلىنىڭ ەسىمىن يەلەندى. يندەر اۋدانىنداعى «گرەبەنششيك ورتا مەكتەبى» اتاۋى ء«ابىش كەكىلباي ۇلى اتىنداعى ورتا مەكتەپ» بولىپ وزگەردى.
ۇكىمەت قاۋلىسىمەن «اتىراۋ اگرارلى-تەحنيكالىق كوللەدجىنە مەملەكەت جانە قوعام قايراتكەرى وڭايباي كوشەكوۆتىڭ ەسىمى بەرىلدى.
ەل دامۋىنا ەرەكشە ۇلەس قوسقان تۇلعالاردىڭ ەسىمدەرىن ۇمىتپاي, ۇلىقتاۋ - رۋحاني جاڭعىرۋدىڭ ءبىر كورىنىسى.
باقىتگۇل باباش,
«Egemen Qazaqstan»
اتىراۋ
