بۇل ماقساتقا 393 ميلليون تەڭگە قاراجات ءبولىنىپتى. التاي اۋداندىق اۋرۋحاناسىنىڭ باس دارىگەرى ۆلاديمير كوروبكيننىڭ ايتۋىنشا, ەسكى عيماراتتىڭ تەك قابىرعاسى عانا قالىپ, قالعان بولىگى تولىق جاڭارتىلادى. جوندەۋ جۇمىستارىن 5 اي كولەمىندە اياقتاۋ جوسپارلانۋدا.
عيماراتتىڭ جوبالىق-سمەتالىق قۇجاتتارىن جاساۋ كەزىندە جەرگىلىكتى دارىگەرلەردىڭ ءوتىنىش-تىلەكتەرى ەسكەرىلىپ, بۇرىنعى ءبىر بولمەلى پالاتالاردى قالدىرىپ, زاماناۋي سەبەزگى بولمەسىن اشۋ كوزدەلىپ وتىر. سونىمەن قاتار پەرزەنتحاناعا مۇمكىندىگى شەكتەۋلى جانداردىڭ عيماراتقا ەمىن-ەركىن كىرىپ-شىعۋىنا عانا ەمەس, نارەستەلەردى ءبىر بلوكتان ەكىنشى بلوكقا تاسىمالداۋعا مۇمكىندىك بەرەتىن پاندۋستار ورناتىلماق.
ازامات قاسىم,
«Egemen Qazaqstan»
شىعىس قازاقستان وبلىسى,
التاي اۋدانى
