كەزدەسۋ بارىسىندا قر مەن رف اۋىل شارۋاشىلىعى ماشيناسىن جاساۋ سالاسىنداعى ىنتىماقتاستىق پەرسپەكتيۆالارى, قوستاناي قالاسىندا «اگروماشحولدينگ KZ» اق الاڭىندا رەسەيلىك «كيروۆەتس» تراكتورلارىنىڭ ءوندىرىسىن ورنالاستىرۋ ماسەلەلەرى, سونداي-اق, جەرسىندىرۋ مەن كومپونەنتتەر ءوندىرىسىن ورنالاستىرۋدى تەرەڭدەتۋ كەلەشەگى تالقىلاندى.
زاۋىتتىڭ باس ديرەكتورى سەرگەي سەرەبرياكوۆ «اگروماشحولدينگ KZ» اق-دا تەك تراكتورلار ءوندىرىسىن ۇيىمداستىرۋدا عانا ەمەس, سونىمەن قاتار كاردان بىلىگى جانە دوڭگەلەك ديسكىلەرى سەكىلدى كومپونەنتتەر ءوندىرىسىن ۇيىمداستىرۋدا دا ىنتىماقتاستىق ورناتۋعا قىزىعۋشىلىق تانىتتى.
«پەتەربۋرگ تراكتور زاۋىتى» اق "اگروماشحولدينگ KZ" اق قاۋىتتىلىقتارىندا ەنەرگيا ۇنەمدەۋشى تراكتورلار شىعارۋعا نيەتتى», — دەدى سەرگەي سەرەبرياكوۆ.
جاقىندا «پەتەربۋرگ تراكتور زاۋىتى» اق باسشىسى قازاقستانداعى اۋىل شارۋاشىلىعى تەحنيكاسىنىڭ جەتەكشى ءوندىرۋشىسى «اگروماشحولدينگ كZ» اق, «سارىارقااۆتوونەركاسىپ» جشس ۇلتتىق اۆتوشىعارۋشىسى, سونداي-اق قوستانايداعى يندۋستريالىق ايماقتىڭ ءوندىرىس الاڭدارىنىڭ الەۋەتىمەن تانىستى.
قازاقستاندا «پتز» اق ونىمدەرى كوپشىلىككە تانىمال. ماسەلەن, 2014 جىلدان باستاپ 2017 جىلعا دەيىنگى كەزەڭدە قازاقستاندا 500-گە جۋىق «كيروۆەتس» ساتىلدى. قر اۋىل شارۋاشىلىعى مينيسترلىگىنىڭ مالىمەتىنە سايكەس, جىل سايىنعى سۇرانىس شامامەن 1600 بىرلىك تراكتوردى قۇرايدى.
پەتەربۋرگ تراكتور زاۋىتى — 1801 جىلى نەگىزى قالانعان رەسەيدىڭ بۇرىننان كەلە جاتقان ماشينا جاساۋ كاسىپورىندارىنىڭ ءبىرى – «كيروۆ زاۋىتىنىڭ» ەنشىلەس كاسىپورنى. 2014 جىلى ك-744ر سەرياسىنىڭ «كيروۆەتس» اۋىر اۋىل شارۋاشىلىعى تراكتورلارىنىڭ جاڭارتىلعان ءتۇرى وندىرىسكە شىعارىلدى. بۇگىندە زاۋىت قۋاتتىلىعى 300-تەن 450 ل.س. دەيىن ك-744ر سەريالى «كيروۆەتس» اۋىل شارۋاشىلىعى تراكتورلارىنىڭ 8 ءتۇرىن, «كيروۆەتس» وندىرىستىك تراكتورلارى نەگىزىندە جاسالعان جول-قۇرىلىس جانە ارنايى ماشينالاردىڭ 17 ءتۇرىن شىعارادى.
