تاعى نە باستاپ وتىر دەپ ويلاپ قالساڭىز, مۇنداعى اڭگىمە 35 جاس شاماسىنداعى تۇرمىسقا شىقپاعان قىزدار توڭىرەگىندە بولىپ وتىرعانىن بىردەن ايتا كەتەيىك. جۇمىسقا ءبىرجولا دەن قويىپ, سالتباستى, ساباۋ قامشىلىققا ۇيرەنگەن بويجەتكەندەر دە جار ءسۇيىپ, وتباسى قۇرۋدان كەندە قالماسىن دەگەن شەشىمگە كەلگەن بىرقاتار قىتايلىق كومپانيالار قىزمەتكەرلەرىنە قوسىمشا دەمالىس بەرۋدى ءجون كورگەن. South China Morning Post باسىلىمىنىڭ جازۋىنشا, حانچجوۋ قالاسىنداعى ەكى بىردەي كومپانيا قاراماعىنداعى 30 جاستان اسقان قىزدارعا قوسىمشا دەمالىس جاريالاعان. ارتىنشا قالالىق مەكتەپتە دە وسىنداي شەشىم قابىلدانىپ, ۇستامدى ۇستازدار دا جەكە ومىرىنە ۋاقىت ارناۋى كەرەك دەپ تاۋىپتى.
تۇرمىسقا شىقپاعان جيىرما بەس جاستان اسقان قىزداردى «شىڭ-ءنۇي» () – «وتىرىپ قالعان قىز» دەپ ايتۋ قىتاي سالتىندا دا بار دۇنيە ەكەن. تۋمىسىنان ەڭبەكقور كەلەتىن قىتاي ۇلتىنىڭ وسى ءبىر قاسيەتى ەندى ءوز باستارىنا تاياق بولىپ ءتيىپ وتىرعان سىڭايلى. جۇمىستى جانىعىپ ىستەپ, وتباسى قۇرۋعا اسىقپايتىن ايەلدەر قاۋىمىنىڭ جىل سايىن ارتىپ كەلە جاتقانى وسىنىڭ ايقىن دالەلى.
دايىنداعان ايا ءومىرتاي,
«Egemen Qazaqstan»
