جاركەنت ءوڭىرىنىڭ داڭقى كەزىندە جۇگەرى وسىرۋمەن شىققان ەدى. قازىر دە اۋدان ديقاندارى ءداستۇرلى داقىلدى كوپتەپ وسىرەدى. بىلتىر 43,6 مىڭ گەكتارعا ءدان سەبىلسە, ونىڭ 25 885 گەكتارى وسى جۇگەرى وسىمدىگى. كۇتىمى كەلىسسە, جۇگەرىنىڭ ءونىمى جوعارى بولادى. اگرارلار وتكەن كۇزدە جۇگەرى ەگىلگەن ءار گەكتاردان ورتاشا ەسەپپەن العاندا 63,7 تسەنتنەردەن ءونىم جيناعان.
- اۋىل شارۋاشىلىعىندا جاڭا تەحنولوگيالاردى قولدانۋ ءونىمدى ەسەلەۋگە مۇمكىندىك بەرەدى. وسى ماقساتتا اۋداندا 1396 گا جەرگە تامشىلاتىپ سۋعارۋ ءادىسى پايدالانىلۋدا. مىسالعا, «كوكتال اگرو» جاۋاپكەرشىلىگى شەكتەۋلى سەرىكتەستىگى 286 گەكتار جۇگەرى ەگىستىگىنە تامشىلاتىپ سۋعارۋ ءادىسىن پايدالانىپ, ءار گەكتارىنان 200 تسەنتنەردەن جۇگەرى ءدانىن الدى. سۋارمالى جەر كولەمىن ۇلعايتۋ – ازىق-ت ۇلىك قاۋىپسىزدىگىن قامتاماسىز ەتۋدىڭ ءتيىمدى ءبىر قۇرالى. اكىمدىك تاراپىنان قاجەتتى قولداۋ جاسالىپ جاتىر, - دەيدى پانفيلوۆ اۋدانى اكىمىنىڭ ءباسپاسوز حاتشىسى نۇربول قاناعات.
قالماحانبەت مۇقامەتقالي,
«Egemen Qazaqstan»
الماتى وبلىسى
