فۋتبول • 28 قاڭتار، 2019

موسكالەنكو مەن نۇرداۋلەتوۆ قازاقستان جاستار قۇراماسىن جاتتىقتىرادى

293 رەتكورسەتىلدى

42 جاستاعى الەكساندر موسكالەنكو 21 جاسقا دەيىنگى قازاقستان جاستار قۇراماسىنىڭ اعا جاتتىقتىرۋشىسى قىزمەتىنە تاعايىندالدى دەپ حابارلايدى قازاقستان فۋتبول فەدەراتسياسىنىڭ ءباسپاسوز قىزمەتى.

الەكساندر موسكالەنكو «بولات» (تەمىرتاۋ)، «ۆوستوك» (وسكەمەن)، «جەڭىس» (استانا)، «الما-اتا» (الماتى) جانە «قايسار» (قىزىلوردا) كلۋبتارىندا وينادى. باپكەرلىك مانسابىن 2011 جىلى «بولات امت» كومانداسىندا باستادى. تەمىرتاۋلىق ۇجىمدا ءتورت جىل ەڭبەك اتقارعاننان كەيىن «قايساردىڭ» باس كومانداسىنىڭ جاتتىقتىرۋشىلار شتابىنا ەندى. 2018 جىلى «ەكىباستۇزدى» جاتتىقتىردى. سول جىلدىڭ ناۋرىزىندا ەلوردالىق «استانا» كومانداسىنىڭ جاتتىقتىرۋشىلار شتابىن تولىقتىردى.

ونىڭ كومەكشىسى بولىپ سوڭعى جىلدارى قازاقستان ۇلتتىق قۇراماسىنىڭ جاتتىقتىرۋشىلار شتابىندا قىزمەت اتقارعان قايرات نۇرداۋلەتوۆ تاعايىندالدى. 

قايرات نۇرداۋلەتوۆ ۇلتتىق قۇرامانىڭ كاپيتانى بولدى. ونىڭ قاتارىندا 35 ماتچ وتكىزىپ، 5 گول سوقتى. سونىمەن قاتار، الماتى فۋتبولىنىڭ تۇلەگى  تسسكا-قايرات (الماتى)، «ەسىل-بوگاتىر» (پەتروپاۆل)، «قايرات» (الماتى)، «ەرتىس» (پاۆلودار)، «توبىل» (قوستاناي)، «استانا» جانە «قايسار» (قىزىلوردا) فۋتبول كلۋبتارىندا وينادى.

 

ءالي بيتورە،

«Egemen Qazaqstan»

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار