اكىمنىڭ ايتۋىنشا, اۋىلدىق اۋماقتا 8 مىڭنان استام تۇرعىن بار. بىلتىر ءتورتىنشى دەڭگەيلى بيۋدجەتكە كوشكەن اۋىل بيۋدجەتى 189 ميلليون تەڭگەنى قۇراپتى.
مىسالى, 43 ميلليون تەڭگەگە 4 كوشەنىڭ جولى جوندەلسە, 7 ميلليون تەڭگە قىسقى ۋاقىتتا جولدى قاردان تازالاۋعا بولىنگەن.
بيىل 300 ورىندىق مادەنيەت ءۇيى بەرىلمەك.
اۋىلدىق اۋماقتا 1572 ءۇيدىڭ 394-ءى مال ۇستايدى. بارلىعى 1873 باس ءىرى قارا, 1 مىڭنان استام جىلقى مەن 4114 قوي-ەشكى بار.
ال, «جانالى- اگرو» كووپەراتيۆى ءسۇت ءوندىرىپ, ەت-ءسۇت ونىمدەرىن ساتادى. بايدالا اۋىلىنداعى «مۇستافينوۆ» جەكە كاسىپكەرلىگى ءجۇندى وڭدەپ, جىل سايىن 7 مىڭ پيما, 3 توننا تەكەمەت دايىندايدى
جيىندا تۇرعىندار كوشەلەردى جارىقتاندىرۋ ماسەلەسى جايلى ايتتى. اۋىلعا كىرەبەرىس جولدارعا كەرەكتىگىن جەتكىزدى.
- بالالار مەكتەپتەن كەلگەندە الدارىنان شاممەن شىعىپ, قارسى الۋعا ءماجبۇرمىز. كەش تۇسسە بولعانى, اينالا قاراڭعى, - دەيدى تۇرعىندار.
كورشى بايدالا اۋىلىندا دا كىرەبەرىس كوشەدە جارىق جوق. اۋىل اكىمى سەرىك شۋاقباەۆ كوشەلەردى جارىقتاندىرۋعا قالالىق بيۋدجەتتەن 76 ميلليون تەڭگە قاراستىرىلعانىن ايتتى.
بايدالا اۋىلىنىڭ كىرەبەرىس جولىنا جارىق شامدارىن ورناتۋ ءۇشىن دە 9 ميلليون تەڭگە كەرەك. بۇل ماسەلە جەرگىلىكتى ءماسليحاتتىڭ ناۋرىز ايىنداعى سەسسياسىندا تالقىلانباق.
تۇرعىندار مال قورىمىنىڭ ماڭىنا يتتەردى كومىپ كەتەتىن جايلار تۋرالى دا ايتىپ بەردى.
سونىمەن قاتار, ەسەپتىك كەزدەسۋدە قالالىق پوليتسيا باسقارماسى وڭتۇستىك ءبولىمىنىڭ باستىعى ارشات ەسماتاەۆتىڭ ايتۋىنشا, بىلتىر اۋىلدىق اۋماقتا 38 قىلمىس تىركەلگەن.
قالا ىرگەسىندەگى اۋىلدا ورتالىقتاندىرىلعان جۇيەگە قوسىلماعان ۇيلەر بار. قاتتى تۇرمىستىق قالدىقتاردى شىعارۋ, زاڭسىز قوقىس ورىندارىن ازايتۋعا قاتىستى قالا اكىمى ءانۋار كۇمپەكباەۆ جەرگىلىكتى اۋىل اكىمىنە تاپسىرمالار بەردى.
فاريدا بىقاي,
«ەگەمەن قازاقستان»
پاۆلودار
