«مەن ءبىزدىڭ جاستارىمىزدىڭ ناقتى الاڭى – «جاستار ءۇيى» بولۋى ءتيىس دەپ ايتقان بولاتىنمىن. سوندىقتان ءبىز دەرەۋ «جاستار» سارايىن جوندەۋ تۋرالى شەشىم قابىلدادىق. بۇل ءبىر عيماراتتا جاستارعا ارنالعان كوۆوركينگ-ورتالىق, «رۋحاني جاڭعىرۋ» قالالىق جوبالاۋ كەڭسەسى, ازاماتتىق باستامالاردى قولداۋ ورتالىعى سياقتى ءۇش باعىت جۇزەگە اسىرىلادى. جاقىن ارادا ءبىز ونى تانىستىرۋىمىز كەرەك», - دەدى استانا اكىمى باقىت سۇلتانوۆ جاستار ءىسى جونىندەگى كەڭەستىڭ وتىرىسىندا.
وسىلايشا, جاڭا ورتالىقتا ەلوردا جاستارىنىڭ شىعارماشىلىق الەۋەتىن ىسكە اسىرۋ ءۇشىن بارلىق جاعداي جاسالادى.
مۇندا جاستار ءۇشىن قازىرگى زامانعى كوۆوركينگ, اشىق كىتاپحانا, «رۋحاني جاڭعىرۋ» قالالىق-جوبالىق كەڭسەسى, جاستار ۇەۇ-نا ارنالعان ازاماتتىق باستامالار ورتالىعى, «جاس سارباز» قالالىق بالالار-جاسوسپىرىمدەر اسكەري-پاتريوتتىق قوعامدىق بىرلەستىگى جانە استانالىق ءباسپاسوز ورتالىعى قۇرىلادى.
