جاستار جىلى ءبىزدىڭ مەملەكەتىمىزدىڭ دامۋىنداعى ۇلكەن وزگەرىستەردىڭ باستاۋى بولادى. ءبىز ءبارىمىز وسى كۇندى جاڭا باستامالار, وراسان زور وزگەرىستەر باستاۋى رەتىندە ەرەكشە سەزىممەن كۇتتىك. ەلدەگى جاستاردى دامىتۋ ءۇشىن جاڭا مۇمكىندىكتەر اشىلاتىنىنا كامىل سەنەمىن. جاستار جىلىنىڭ باستى سەرپىلىسى – جاستار ەكونوميكا مەن الەۋمەتتىك دامۋدىڭ جۇرگىزۋشىسى. مەملەكەت جاستاردىڭ دامۋىنا جەتكىلىكتى قاراجات جۇمسادى. ال ەندى قازاقستاندى جاڭاشا قالىپتاستىراتىن ۋاقىت كەلدى.
سوڭعى ونجىلدىقتا جوعارى ءبىلىمى بار جاستاردىڭ سانى ءتورت ەسەگە ارتتى, ورتا ارنايى ءبىلىم ەكى ەسە ءوستى. جوعارى ءبىلىمى بار اۋىل جاستارىنىڭ سانى التى ەسە ءوستى, ال قالالىق تۇرعىنداردىڭ ءبىلىم دەڭگەيى ءتورت ەسە ارتتى. جالپى, 16-دان 29-عا دەيىنگى جاس قازاقستاندىقتاردىڭ 40%-ى جوعارى, تولىق ەمەس جانە ورتا ارنايى ءبىلىمى بار. ساپالى ءبىلىم جاستاردىڭ نەگىزگى «الەۋمەتتىك ءليفتى» اينالدى. مىڭداعان جاس حالىقارالىق دەڭگەيدە ورتا جانە جوعارى ءبىلىم الۋعا قول جەتكىزدى.
مەملەكەت باسشىسىنىڭ ۇزاق مەرزىمدى ساياساتىنىڭ ارقاسىندا ءاربىر قازاقستاندىق «بولاشاق» باعدارلاماسى بويىنشا الەمنىڭ ۇزدىك ۋنيۆەرسيتەتتەرىندە ءبىلىم الۋ مۇمكىندىگىنە يە بولدى. باعدارلاما تۇلەكتەرى ءوز بىلىمدەرىن ءساتتى قولدانىپ, ەلىمىزدىڭ دامۋىنا جاڭا يدەيالار ەنگىزدى. اشىلۋ سالتاناتىندا مەملەكەت باسشىسى جاس عالىمدارعا جىل سايىن ءۇش ميلليارد تەڭگە گرانتتىق قارجىلاندىرۋدى ۇلعايتۋ قاجەتتىگىن اتاپ ءوتتى. سونىمەن قاتار, ۇكىمەتكە ەلىمىزدىڭ ءىرى بيزنەس كومپانيالارىمەن بىرلەسىپ, جاستار ستارتاپتارىن قولداۋ ءۇشىن ارنايى قور قۇرۋدى تاپسىردى.
ەلباسىمىزدىڭ جاستارعا ايتىلعان سوزدەرى – ەل دامۋىنىڭ ايقىن تۇسىندىرىلۋىنە ارنالعان تاعى ءبىر حابارلاما. ءىس-شارا سوڭىندا ءاربىر جاس قازاقستاندىق ەلىمىزدىڭ يگىلىگىنە قىزمەت ەتۋگە نيەت ەتىپ, ەلىمىزدىڭ وركەندەۋىنە بارلىق مۇمكىندىكتى جاساۋعا ۇمتىلادى دەپ ويلايمىن.
مەملەكەت باسشىسى اتاپ وتكەن باعىتتار بويىنشا ۇلكەن جوبالار جوسپارلاپ وتىرمىز. «مانساپ ورتالاعى», جاس مامانداردى ەڭبەكپەن قامتۋ جانە مانساپتىق قولداۋ كورسەتەتىن جوبانى ارى قاراي ىسكە اسىرۋدى جالعاستىرا بەرەمىز. بوس جۇمىس ورىن ىزدەۋگە ارنالعان Hr.bolashak.kz تەگىن سايتى جۇمىسىن جالعاستىرادى. «نۇر وتان» پارتياسىنىڭ «جاس وتان» جاستار قاناتىمەن بىرلەسە وتىرىپ, «بولاشاق» قاۋىمداستىعىنىڭ «English for Jastar» جوباسى, وندا وتكەن جىل قورىتىندىسى بويىنشا شامامەن 5 500 اۋىلدىق بالا اعىلشىن ءتىلىن ۇيرەندى. «Bolashaq Education» باعىتى بويىنشا بىرقاتار ءىس-شارالار مەن جوبالار جۇزەگە اسىرىلادى. ولاردىڭ قاتارىندا استانا, الماتى قالالارى مەن باسقا دا ايماقتاردا وتەتىن ء«بىزدىڭ ءبىلىمىمىز – ءبىزدىڭ ەلىمىزگە» جوباسىنىڭ اياسىنداعى وقۋ لەكتسيالارى بار. 2019 جىلدىڭ 12 قاڭتارىندا «بولاشاق» قاۋىمداستىعى جاستاردىڭ جىلىن اشۋ قارساڭىندا قازاقستاننىڭ جەتەكشى كاسىپكەرلەرىنىڭ قاتىسۋىمەن «Bolashaq Business Forum» فورۋمىن وتكىزدى.
