«بۇل كونفەرەنتسيا 2018 جىلى وبلىستىق ىشكى ساياسات باسقارماسىنىڭ باستاماسىمەن باستالعان بولاتىن. ونىڭ نەگىزگى ماقساتى – جاستار ءۇشىن جانە جالپى ازاماتتىق قوعامدا ەلباسى باستامالارىن, «رۋحاني جاڭعىرۋ» باعدارلاماسىن, ونىڭ باعىتتارىن ءتۇسىندىرىپ, ونى نەعۇرلىم تەرەڭىرەك ءبىلۋىن قامتاماسىز ەتۋ بولاتىن. بۇگىنگى اشىق كونفەرەنتسياعا ءبىز 4 سپيكەر شاقىردىق. بۇگىنگى تاقىرىپ جاستاردىڭ باسەكەگە قابىلەتتىلىگى بولعاندىقتان, سپيكەرلەر ونى وزدەرىنىڭ سالالارىندا الىپ قارايدى. جاستاردىڭ قويعان سۇراقتارىنا جاۋاپ بەرەدى, تاقىرىپتى ورتاق تالقىلايدى» دەدى وبلىستىق ىشكى ساياسا باسقارماسىنىڭ ءبولىم باسشىسى ابىلاي كاكەنوۆ.
بيىل جاستار جىلى بولعاندىقتان وبلىستىق ىشكى ساياسات باسقارماسى قىزمەتكەرلەرى اشىق كونفەرەنتسيانىڭ تاقىرىبىن وسىلاي جاستارعا ارناپتى. كونفەرەنتسيادا رەسپۋبليكالىق, حالىقارالىق ءىت وليمپيادالاردىڭ بىرنەشە دۇركىن جەڭىمپازى ماكسيم ريۋمين, «ۋنيكۋم» جىلدام وقۋ جانە ينتەللەكتىنى دامىتۋ مەكتەبىنىڭ جەتەكشىسى شولپان نۇرقانوۆا, وزىندىك دامۋ جولىندا ترەنينگتەر وتكىزىپ جۇرگەن ۆلاديمير الەكسانين, «جاس وتان» جاستار قاناتىنىڭ كوشباسشىسى الىبەك مۇحامەدجانوۆ جاستارعا جەتىستىكتەرى تۋرالى ايتىپ بەردى, كوكەيدە جۇرگەن ويلارىن ورتاعا سالدى, سۇراقتارعا جاۋاپ بەردى.
ابىلاي كاكەنوۆتىڭ ايتۋىنشا, الەۋمەتتىك جەلىلەر ارقىلى ارنايى ونلاين الاڭىن قۇرىپ, پىكىرتالاس الاڭىندا ايتىلعان ماسەلەلەردى, وندا جينالعان ويلاردى, باستامالاردى تۇگەندەپ, ولاردىڭ جۇزەگە اسۋ جاقتارى قاراستىرىلادى.
ءنازيرا جارىمبەت,
Egemen Qazaqstan
قوستاناي
