«2019 جىلدان باستاپ دزيۋدودان قازاقستان ايەلدەر قۇراماسىن باس باپكەر رەتىندە ەرلان سەرىك ۇلى الپىسباەۆ باپتايدى. ال 2018-2019 جىلدارى باس باپكەر قىزمەتىن اتقارعان مارات دانايباەۆ ايەلدەر قۇراما كومانداسىنىڭ اعا جاتتىقتىرۋشىسى قىزمەتىن اتقارادى», دەلىنگەن حابارلامادا.
ەرلان الپىسباەۆ – دزيۋدودان بىلىكتىلىگى جوعارى دەڭگەيدەگى جوعارى ساناتتى جاتتىقتىرۋشى. 2017 جىلدان بەرى قازاقستان جاستار قىزدار قۇراماسىنىڭ تىزگىنىن ۇستاعان. 2017-2019 جىلدار ارالىعىندا ەرلان الپىسباەۆتىڭ شاكىرتتەرى الەم چەمپيوناتىنان 1 كۇمىس, ازيا چەمپيوناتىنان 4 التىن, 5 كۇمىس, 7 قولا مەدالعا قول جەتكىزگەن. 2011-2017 جىلدار ارالىعىندا قازاقستاان جاسوسپىرىمدەر كومانداسىنىڭ باپكەرى, ال وعان دەيىن الماتى قالاسىنداعى ك. احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىندە ترەنەر قىزمەتىن اتقارعان.
