رەسمي راسىمنەن كەيىن قازاقستان-ەۋروپا قارىم-قاتىناستارىنىڭ قازىرگى احۋالى مەن بولاشاعى تۋرالى پىكىر الماسىلدى.
د. تۋسك «قازاقستاننىڭ جانە پرەزيدەنت نۇرسۇلتان نازارباەۆتىڭ جاقسى دوسى» ەكەنىن اتاپ ءوتتى. ء«بىز قازاقستان پرەزيدەنتىنىڭ حالىقارالىق ىستەردەگى ءرولىن, سونىڭ ىشىندە سيريا بويىنشا استانا پروتسەسىنىڭ اياسىندا بىتىمگەرشىلىك كۇش-جىگەرىن جوعارى باعالايمىز», - دەدى ول.
تاراپتار مەملەكەت باسشىسىنىڭ بريۋسسەلدە «ەۋروپا-ازيا» 12-ءشى فورۋمى اياسىندا ايتقان باستاماسىن تالقىلادى. بۇل باستاما حالىقارالىق قاۋىپسىزدىكتىڭ وزەكتى ماسەلەلەرىن تالقىلاۋ ءۇشىن استانادا بۇۇ-نىڭ ارنايى سەسسياسىن نەمەسە اقش, رەسەي, قىتاي جانە ەۋروپالىق وداق كوشباسشىلارىنىڭ قاتىسۋىمەن كەزدەسۋدى وتكىزۋدى قاراستىرادى.
ەۋروپالىق كەڭەستىڭ پرەزيدەنتى: «ەو - قازاقستاننىڭ ەڭ ءىرى ساۋدا ارىپتەسى بولىپ تابىلادى. قازاقستان ءوزىنىڭ گەوگرافيالىق جاعدايى ارقاسىندا عانا ەمەس, سونداي-اق پرەزيدەنتتەرىڭىزدىڭ زور قۋاتى ناتيجەسىندە, ايماقتا ستراتەگيالىق ءرول اتقارادى. سوندىقتان ءبىز ىنتىماقتاستىقتى دامىتۋىمىز كەرەك», دەپ ايتتى.
ا. قۇسپان ەلىمىز قازاقستان مەن ەۋروپالىق وداق اراسىنداعى كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمىنە ۇلكەن ءۇمىت ارتىپ وتىرعانىن اتاپ ءوتتى. اتالعان كەلىسىم ەڭ الدىمەن جوعارى تەحنولوگيالىق وندىرىستەر ارقىلى ساۋدانى جانە ينۆەستيتسيا كولەمىن ايتارلىقتاي ارتتىرۋعا, ەكونوميكالىق ءوسىمىن كۇشەيتۋ ءۇشىن جاڭا جۇمىس ورىندار اشۋعا جاڭا مۇمكىندىكتەر تۋعىزاتىنىن مالىمدەدى.
ەۋروپالىق كەڭەستىڭ پرەزيدەنتى پرەزيدەنت ن.نازارباەۆقا ءوزىنىڭ ەڭ جاقسى تىلەكتەرىن جەتكىزدى جانە قازاقستانعا ساپارمەن بارۋعا نيەت ءبىلدىردى.
ەو ءبىزدىڭ ەلىمىزدىڭ ەڭ ءىرى ساۋدا ارىپتەسى بولىپ تابىلادى. 2017 جىلى ەو ەلدەرىمەن ساۋدا اينالىمى 30 ملرد. اقش دوللارىن قۇرادى, ەو-ڭ قازاقستاننىڭ جالپى تاۋار اينالىمىنداعى ۇلەسى 49,8% قۇرادى. وتكەن جىلدىڭ قاڭتار-قىركۇيەك ايلارىندا ساۋدا اينالىمى 28,56 ملرد. دوللارىن قۇرادى.
2017 جىلى ەۋروپالىق وداقتىڭ قازاقستان ەكونوميكاسىنا تارتىلعان تىكەلەي شەتەلدىك ينۆەستيتسيالارى 9,8 ملرد. دوللارعا جەتتى, بۇل ەلگە تارتىلعان ينۆەستيتسيالاردىڭ جارتىسى بولىپ تابىلادى.
