جوبانى استانا اكىمدىگى استانا Innovations اق, Seedstاrs حالىقارالىق بيزنەس-ينكۋباتورى جانە BI Group كومپانياسىمەن بىرلەسىپ جۇزەگە اسىرادى. استانا Innovations اقپاراتىنا قاراعاندا, بۇل الاڭ Seedstars باستاعان تمد-دا العاشقى كوۆوركينگ-ورتالىعى بولماق, ونىڭ جەلىسىنە بۇكىل الەم بويىنشا 70 مىڭنان استام ستارتاپتار كىرەدى. ول جىلىنا 365 كۇن تاۋلىگىنە 24 ساعات اشىق جانە قالالىق مىندەتتەردى شەشۋگە ارنالعان. رەزيدەنتتەردىڭ قىزمەتتەرىنە مەنتورلاردىڭ, كەڭەسشىلەردىڭ, تەحنيكالىق مامانداردىڭ ۇلكەن جەلىسى ەنەدى.
سونىمەن قاتار, مۇنداي فورمات تەك كوۆوركينگ-كەڭسەلەردى عانا ەمەس, سونىمەن قاتار قاتىسۋشىلاردىڭ ءومىر ءسۇرۋى ءۇشىن كوليۆينگ-كەڭىستىكتى دە قاراستىرادى.
2017 جىلى كومپانيا Astana Innovations Challenge جوباسىن ىسكە قوستى. ول ءارتۇرلى سالالاردا قىزمەت ەتەتىن جاڭاشىل مامانداردى, كاسىپكەرلەردى, ستارتاپشىلاردى, ساراپشىلاردى جانە مەنتورلاردى بىرىكتىردى. بۇل باعىت «تسيفرلىق قازاقستان مەملەكەتتىك باعدارلاماسىن ىسكە اسىرۋ جوسپارىنا سايكەس العا جىلجۋدا, سونداي-اق ول «سمارت استانا تۇجىرىمداماسىن جۇزەگە اسىرۋعا باعىتتالعان. بۇگىنگى تاڭدا 12 ستارتاپ-بايقاۋ (جەتى ستارتاپ-ۋيكەند جانە بەس حاكاتون) وتكىزىلدى. ءاربىر ءىس-شارانىڭ تاقىرىبى مەگاپوليس تۇرعىندارىنىڭ پروبلەمالىق ماسەلەلەرىنەن قۇرالعان استانا اكىمدىگىنىڭ قالالىق تەحنولوگيالىق مىندەتتەرىنىڭ پۋلىنان الىندى.
2017 جىلدىڭ باسىنان بەرى 4 مىڭعا جۋىق ادام وسىنداي حاكاتوندارعا قاتىستى. ستارتاپ-مارافون بارىسىندا قازىلار القاسى 120 ءفيناليستى انىقتادى. جوبالاردى باعالاۋعا الەمنىڭ 13 ەلىنەن 160-تان استام حالىقارالىق ۇيىم باسشىلارى مەن ساراپشىلارى تارتىلدى. Astana Innovations Challenge قاتىسۋشىلارى تۇرعىنداردىڭ ءومىرىن جەڭىلدەتەتىن جانە كىرەبەرىستەردى, شلاگباۋمداردى جانە باسقا دا ءۇي-جايلاردى اشۋعا ءبىر كىلت پايدالانۋعا مۇمكىندىك بەرەتىن ە-پيك جوباسىنا تارتىلدى.
بۇگىن جوبا قوناەۆ كوشەسى, 35 جانە 35/1 مەكەن-جايى بويىنشا قولدانىلۋدا. وسى جوباعا 17 كىرەبەرىستى ەنگىزۋ جوسپارلانىپ وتىر. كەلەسى ىسكە اسىرىلعان ستارتاپ – TuraQShare جوباسى (تۇراق ورىندارىن جالعا بەرۋگە ارنالعان ءموبيلدى قوسىمشا). بۇگىنگى تاڭدا جوبا استانانىڭ التى تۇرعىن ءۇي كەشەنىندە ىسكە قوسىلدى. Docchain جوباسى – blockchain تەحنولوگياسىن پايدالانا وتىرىپ, زاڭدى قۇجاتتارمەن الماسۋدىڭ قاۋىپسىز قىزمەتى. جوبا قازاقستاننىڭ ءتۇرلى الاڭدارىندا سىناقتان ءوتتى.
Kompra جوباسى – ىسكەرلىك سەرىكتەستەردىڭ ادالدىعىن تەكسەرۋ سەرۆيسى, ءۇش مينۋت ىشىندە كەز كەلگەن قازاقستاندىق كومپانيانى 40 زاڭدى جانە قارجىلىق كورسەتكىشتەر بويىنشا تەكسەرۋگە مۇمكىندىك بەرەدى. ولار: سالىقتار, سوت ىستەرى, جوسىقسىز ءونىم بەرۋشىلەر, بانكروت جانە جالعان كاسىپورىندار تىزىلىمدەرىندە بولۋى جانە ت.ب. بۇگىن جوبا – Astana Hub IT-ستارتاپتار پاركىنىڭ رەزيدەنتى. ول قازاقستان نارىعىندا ءساتتى جۇمىس ىستەۋدە.
