وڭىردە جىل سايىن تۇرعىنداردىڭ 14 پايىزى ياعني, 120-130 مىڭ ادام تەكسەرۋدەن وتەدى ەكەن. ء ار ادام ءوزىنىڭ ايتۆ-ستاتۋسىن انىقتاي الادى. مۇنداي شارا ارقىلى دەرتتى دەر ۋاقىتىندا ەمدەۋگە جول اشىلادى.
وبلىس ورتالىعىنداعى بەكتۇروۆ كوشەسى, 50-ۇيدە ورنالاسقان وبلىستىق جۇقتىرىلعان يممۋنيتەت تاپشىلىعى سيندرومىنىڭ الدىن الۋ جانە كۇرەسۋ جونىندەگى ورتالىعىندا تەست تاپسىرۋعا بولادى.
ايتۆ جۇقپاسىن جۇقتىرعانداردىڭ ىشىندە 485-ءى - جيتس (جۇقپالى يممۋنيتەت تاپشىلىعىنىڭ سيندرومى) دەرتىمەن اۋىراتىندار دا بار.
جالپى, ءبىزدىڭ وڭىردە 757 مىڭ ادامنىڭ ىشىندە ايتۆ جۇقپاسىنىڭ 2890 جاعدايى تىركەلگەن. ياعني,وڭىردەگى ادام سانىنىڭ ازدىعىنا بايلانىستى كورسەتكىش تە جوعارى كورىنەدى.
ورتالىق ماماندارىنىڭ ايتۋىنشا, بۇل دەرت جىنىستىق قارىم-قاتىناس كەزىندە جۇعادى.
ديسپانسەرلىك ەسەپتە تۇرعان ادامداردىڭ 80 پايىزى ەم شارالارىن قابىلداۋدا. ايتۆ جۇقپاسى قان ارقىلى, جىنىستىق قاتىناس كەزىندە جانە انادان-بالاعا بەرىلەدى. ادام بەلگىلەنگەن ۋاقىتتا, بەلگىلى مولشەردە ءدارى قابىلداسا, وزگەلەرگە جۇقتىرۋ قاۋپى تومەندەيدى. ەمدەلۋشىلەردىڭ اراسىندا جاستار دا, ەرەسەكتەر دە بار.
پاۆلودار, ەكىباستۇز, اقسۋ قالالارىندا ارنايى سەنىم پۋنكتتەرى بار كوشپەلى كولىكتەر جۇمىس ىستەيدى. مەدبيكەلەر تۇرعىندار اراسىندا ادام ساۋساعى ارقىلى ەكسپرەسس-تەست الىپ, تەكسەرۋ جۇرگىزەدى. سوڭعى ۋاقىتتا سىلەكەي ارقىلى تەست الۋ ادىستەرى دە شىقتى.
ساقتانسا-ساقتايدى. سونىدقتان ىندەتتىڭ الدىن الۋ باعىتىندا ءتۇرلى شارالار دا وتكىزىلەدى.
فاريدا بىقاي,
«ەگەمەن قازاقستان»
پاۆلودار
