مەيىرگەر ءىسى ماماندارىن دايارلاۋدى جەتىلدىرۋ, مەيىرگەرلەردىڭ ءرولىن كۇشەيتۋ, ولارعا بىرقاتار وكىلەتتىكتەر بەرۋ, حالىقارالىق ستاندارتتارعا باعىتتالعان مەيىرگەرلىك قىزمەتتەگى مامانداردى دايارلاۋعا قويىلاتىن تالاپتاردى ارتتىرۋعا بايلانىستى وتكەن وقۋ-ادىستەمەلىك بىرلەستىك وتىرىسىنىڭ جۇمىسىنا قر دەنساۋلىق ساقتاۋ ءمينيسترىنىڭ كەڭەسشىسى ساۋلە سىدىكوۆا, قر دسم دەنساۋلىق ساقتاۋدى دامىتۋ رەسپۋبليكالىق ورتالىعىنىڭ مەديتسينالىق ءبىلىم بەرۋدى دامىتۋ ءبولىمىنىڭ باسشىسى زاۋرە بايعوجينا, «كاسىپقور» حولدينگى ۇەاق جانات دالاباەۆ, الماتى قالاسىنىڭ مەيىرگەرلەر قاۋىمداستىعىنىڭ وكىلدەرى, سونداي-اق مەديتسينالىق كوللەدجدەر باسشىلارى قاتىستى.
رەسپۋبليكالىق جوعارى مەديتسينالىق كوللەدجىنىڭ ديرەكتورى نايليا رۋزدەنوۆانىڭ ايتۋىنشا, 2014 جىلدان باستاپ مەديتسينالىق ءبىلىمدى جەتىلدىرۋگە ارنالعان فيندىك جۇيە ەنگىزىلىپ, ستۋدەنتتەر جاڭا وقۋ جۇيەسىنىڭ نەگىزىندە ءبىلىم الۋدا. بۇعان دەيىن ستۋدەنتتەر تەحنيكالىق جانە كاسىپتىك ءبىلىم بەرۋ ۇيىمدارىنا ارنالعان جالپىعا مىندەتتى ءبىلىم بەرۋ ستاندارتىنا سايكەس وقىتىلعان. الەۋمەتتىك, ەكونوميكالىق, گۋمانيتارلىق باعىتتارعا باسىمدىق بەرىلگەن. ال ستۋدەنتتەردىڭ تاجىريبەلىك باعىتى وقۋ ۋاقىتىنىڭ 40 پايىزىن عانا قۇرايتىن. قولدانبالى باكالاۆر جۇيەسىنىڭ نەگىزگى ماقساتى – تاجىريبەلىك جاعىنا باسا نازار اۋدارىلىپ, وقۋ ۋاقىتىنىڭ 50 پايىزىن قۇرادى. قولدانبالى باكالاۆر دايىنداۋ مەرزىمى — 3,5 جىل. وتكەن جىلى 312 مامان قولدانبالى باكالاۆر دەڭگەيىندە ءبىلىم العان.
ەلۆيرا سەرىكقىزى,
«ەqemen Qazaqstan»
الماتى
