ماسەلەن, الماتى وبلىسىنىڭ تۇرعىندارى ءموبيلدى قوسىمشانى قولدانا باستاعالى بەرى 392 حابارلاما جولداعان. ادامداردىڭ ارىز-شاعىمىنان بولەك العىس ايتىپ, ساتتىلىك تىلەگەن حاتتار دا كەلىپ تۇسۋدە. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وبلىستىق دەپارتامەنتى ءار حابارلاما بويىنشا ساراپتاما جاساپ, ءتيىستى شارا قابىلداۋعا كىرىستى.
- ازاماتتاردىڭ مەملەكەتتىك قىزمەت ساپاسىنا قاتىستى شاعىمدارىنا لەزدە جاۋاپ بەرۋ كۇن تىرتىبىندە تۇر. اگەنتتىك وسى ماقساتتا Digital agent ءموبيلدى قوسىمشاسىن ىسكە قوسقان بولاتىن. بۇل قۇرىلعى قازىر تۇرعىندار اراسىندا كەڭىنەن ناسيحاتتالۋدا. ۇيالى تەلەفونعا جۇكتەلەتىن ارنايى باعدارلاما ارقىلى كەز كەلگەن ۋاقىتتا ءوتىنىش, تالاپ-تىلەك بىلدىرۋگە بولادى. ادامدار دا باعدارلامانى قولدانۋعا جىلدام بەيىمدەلۋدە. جىل باسىنان بەرى 392 حابارلاما الدىق. شاعىمدار بويىنشا جەدەل ارەكەت ەتۋدەمىز, - دەيدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى الماتى وبلىسى بويىنشا دەپارتامەنتىنىڭ ءباسپاسوز حاتشىسى سىمبات يسراپۋلوۆا.
قازىر دەپارتامەنت بۇل باعىتتاعى جۇمىستارعا ەكپىن بەرىپ جاتىر. Digital agent ءموبيلدى قوسىمشاسىنىڭ تيىمدىلىگى تۋرالى وبلىستىڭ اقسۋ, ۇيعىر, سارقان, تالعار, بالقاش, كەربۇلاق, الاكول, قاراتال, رايىمبەك, كەگەن, ەڭبەكشىقازاق اۋداندارى مەن تەكەلى قالاسىنداعى حالىققا قىزمەت كورسەتۋ ورتالىقتارىندا تانىستىرىلىم وتكىزگەن ەكەن. ايماقتاعى ەلدى مەكەندەرگە دە قوسىمشانى قولدانۋعا قاتىستى نۇسقاۋلىق جازىلعان 25 بيلبورد ءىلىنىپتى. ال Digital agent ءموبيلدى قوسىمشاسىن ۇيالى تەلەفونعا اpple store جانە Play ماrket باعدارلاماسى ارقىلى جۇكتەپ الۋعا بولادى.
ايتپاقشى, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى الماتى وبلىسى بويىنشا دەپارتامەنتىنىڭ قىزمەتكەرلەرى ازاماتتار ءۇشىن قولايلى تاعى ءبىر ءموبيلدى جوبانى قاداعالاۋعا كىرىستى. جاقىندا تالدىقورعان قالاسى بويىنشا Smart ايالداما كەشەندەرى ىسكە قوسىلماقشى, سول كەزدە Infobus ءموبيلدى قوسىمشاسى دا پايدالانۋعا بەرىلەدى. بۇل قوسىمشا ارقىلى قالاىشىلىك قوعامدىق كولىكتىڭ قوزعالىسىنا باقىلاۋ جاساپ, قىزمەت ساپاسىن باعالاۋعا مۇمكىندىك تۋادى. دەپارتامەنت ماماندارى «جەتىسۋ – ادالدىق الاڭى» جوباسى اياسىندا ءموبيلدى قوسىمشالار ارقىلى بۇقارامەن تىكەلەي بايلانىستا بولۋ قىزمەت كورسەتۋ ساپاسىن ارتتىرۋعا عانا ەمەس, قوعامدىق سانانىڭ ساۋىعۋىنا دا ىقپال ەتەدى دەيدى.
قالماحانبەت مۇقامەتقالي,
«Egemen Qazaqstan»
الماتى وبلىسى
