«قازاقستان ازاماتتارىنىڭ الەۋەتىن دامىتۋ «شەۆرون» كومپانياسىنىڭ ەلىمىزدە جۇمىس اتقارىپ جاتقان 25 جىلدىڭ ىشىندەگى بارلىق الەۋمەتتىك باعدارلامالارعا نەگىز بولىپ كەلەدى. ءبىز مۇمكىندىكتەرى شەكتەۋلى ادامداردىڭ ماسەلەلەرىن شەشۋگە كۇش سالدىق جانە جاستاردىڭ ەكونوميكالىق مۇمكىندىكتەرىن ۇلعايتتىق. بۇگىن ءبىز تۇساۋىن كەسىپ جاتقان جوبامىز دا كوپشىلىككە وزگەرىستى بولاتىنىنا ءۇمىتتىمىز», - دەيدى كومپانيانىڭ وكىلى اينۇر سىدىقوۆا.
جوبا مۇگەدەكتىگى بار ادامدارعا جۇمىسقا ورنالاسۋ بارىسىندا باسەكەلەستىك قابىلەتىن دامىتۋعا ىقپال ەتەدى. مۇگەدەكتىگى بار ادامداردىڭ تابىسقا قول جەتكىزۋ جولىنداعى نەگىزگى توسقاۋىلدارى: وقۋ ورىندارىنىڭ قولايسىزدىعى, ادىستەمەلىك وقۋلىقتاردىڭ جانە باسقا دا وقىتۋدىڭ بالاما رەسۋرستارىنىڭ بولماۋى.
جوبا شەڭبەرىندە ارالاس وقىتۋ سياقتى زاماناۋي تەحنولوگيالار قولدانىلادى, ونىڭ قۇرىلىمىنا ونلاين-قۇرالدار, ينكليۋزيۆتى تاجىريبەلەر مەن ادىستەر, مەنتورلىق باعدارلاما جانە ىسكە اسىپ جاتقان جوبالارعا پراكتيكالىق تارتۋ كىرەدى. ناتيجەسىندە جوباعا قاتىسقاندار باسەكەگە قابىلەتتى ءبىلىم مەن ءوز بەتىمەن وقۋ داعدىسىن يگەرەدى.
«ەرەكشە تاڭداۋ-شەلەك» كورپوراتيۆتىك قورىنىڭ باعدارلامالاۋ ديرەكتورى زاحيرا بەگاليەۆا بۇل باستاماعا بىلايشا سيپاتتاما بەردى: «قازىر ءبىزدىڭ مەملەكەتىمىزدە مۇگەدەكتىگى بار ادامداردى وقىتاتىن ءار ءتۇرلى كۋرستار كوپ. وقىتۋ جوبالارى نەگىزىنەن ادامداردى جاڭا بىلىممەن قامتاماسىز ەتەدى. ال «IT-لاگەر» بۇل بىلىمدەردى ءدال قازىر پايدالانۋعا شابىتتاندىرۋ ءۇشىن قاجەت, سەبەبى تەرەڭ ءبىلىمدى ادامدا كەيدە ءبىلىمىن پايدالانۋعا دايىن ەمەس.
بۇل جوبا «Samruk-Kazyna Trust» كق جانە «شەۆرون» كومپانياسىنىڭ قارجىلاي قولداۋىمەن جۇزەگە اسادى. جوبانىڭ ۇيىمداستىرۋشىلارى «ەرەكشە تاڭداۋ-شەلەك» كق «مويىمايتىن مۇگەدەكتەر قوعامى» قوعامدىق بىرلەستىگى جانە «ورتالىق ازيانىڭ ەۆرازيا قورى» كق.
